گه‌ڕان

Shadow Shadow
سیاسه‌تی

مەترسی ماوە

ئەلعەرەب: هێزە شیعەکان لە هەوڵی قوتارکردنی لاهور شێخ جەنگیدان

2021.08.04 - 12:06
App store icon Play store icon Play store icon
ئەلعەرەب: هێزە شیعەکان لە هەوڵی قوتارکردنی لاهور شێخ جەنگیدان

ناس کورد-

ڕۆژنامەی ئەلعەرەبی چاپی لەندەن بڵاویكردەوە، هێزە شیعەكان هەوڵی نێوانگیری دەدەن لە كێشەكانی یەكێتی لەژێر ناوی بەرگرتن لە پێكدادانی چەكداری لە سلێمانی بەڵام مەبەستیشیان لاهور شێخ جەنگی ڕزگار بكەن.

کەناڵی ناس کورد لە تێلیگرام جۆین بکە   

 

ڕۆژنامەكە لە ڕاپۆرتێكدا ئەمڕۆ (4ی ئابی 2021) بڵاویكردەوە، هۆكاری كێشەكانی یەكێتی شەڕكردنە لەسەر میراتی تاڵەبانی و چۆنییەتی پڕكردنەوەی جێگەكەی، ئەمەش ئاژاوەیەكی وەهای دروستكردووە مەترسییەكەی پەیوەست بووە بە حساباتی كارتێكەرە ناوخۆیی و هەرێمایەتییەكان لەو ناكۆكییانە و مەترسی ئەوەشی هەیە بگاتە توندوتیژی لە شەقامەكان.

 

بەگوێرەی ئەلعەرەب، هێزە شیعەكانی عێراق هەوڵی نێوانگری دەدەن، مەبەستیشیان ڕزگاركردنی لاهور شێخ جەنگی هاوسەرۆكی یەكێتییە بەڵام لەژێر ناوی پاراستنی سلێمانی كاردەكەن.

 

هەروەها دەڵێت "لاهور پەیوەندییەكی توندوتۆڵی لەگەڵ گروپەكانی سەر بەئێران هەیە".

 

بەگوتەی ڕۆژنامەكە ئەمەش وایكردووە ئەوەی ڕوویدا لەكەنارخستنی لاهور بەهەوڵێك بخوێنرێتەوە كە ئامانج لێی جێبەجێكردنی داواكارییەكانی ئەمەریكایە بۆ یەكخستنی پێشمەرگە لەهەرێم ئەمەش ئامادەكاری قۆناغی داهاتووە كە ئەگەری كشانەوەی ئەمەریكییەكان بەرەو كوردستان هەیە وەك پێگەیەكی جێگرەوە بۆ ناوەڕاست و باشووری عێراق.

 

زیاتر بخوێنەوە: ئاژانسێکی ئێرانی: بۆ تاران بافڵ تاڵەبانی بژاردەیەکی باشترە

زیاتر بخوێنەوە: ڕاپۆرتێک؛ دوورخستنەوەی لاهور شێخ جەنگی بە پلانی ئێران و تورکیا بوو

 

me_ga.php?id=4336

 

ئێوارەی 8 تەموزی 2021، بافڵ تاڵەبانی هاوسەرۆكی یەكێتی و قوباد تاڵەبانی جێگری سەرۆك وەزیران، بەرپرسانی دەزگای زانیاری و دژە تیرۆریان گۆڕی كە یەكەمیان كەسێكی نزیكی لاهور جەنگی و ئەویتریان پۆلاد جەنگی بوو، بەدوای ئەوەشدا بافڵ تاڵەبانی دەستی گرت بەسەر دەزگا میدیایی و حزبییەكانی سەر بە لاهور شێخ جەنگی هاوسەرۆكەكەیتری یەكێتی و پرۆسەكەش لەمیدیای ئەم حیزبەوە ناونرا "ڕاستكردنەوەی ڕێڕەو" و گەیشتە دەركردنی فرمانی گرتن بۆ لاهور شێخ جەنگی و دووان لە براكانی و هەندێك لە بەرپرسە نزیكەكانی.

 


میدیا فەرمی و نیمچە فەرمییەكانیتری یەكێتی و بافڵ تاڵەبانی پێداگرن لەسەر ئەوەی بازنەی دەوروبەری لاهور جەنگی و دووان لە براكانی هۆكاری سەرەكی تەشەنەكردنی قاچاخچێتی و پارە سپیكردنەوە و داگیركردنی زەوی و بەكارهێنانی هێزە ئەمنییەكانیان بوون بۆ مەرامی شەخسی لەژێر دەسەڵاتی یەكێتی، لە بەرامبەریشدا لاهور شێخ جەنگی جەخت لەوە دەكاتەوە ئەوەی بەرامبەری كراوە پیلانگێڕی توركیا و پارتییە و هۆكارەكەشی هاوكاریكردنی بووە بۆ رۆژئاوای كوردستان و هەوڵدانی بووە بۆ گۆڕینی باڵانسی هێز لەنێوان پارتی و یەكێتی.