گه‌ڕان

Shadow Shadow
سیاسه‌تی

فەرمانی دەستگیرکردنی بۆ لاهور شێخ جەنگی دەرچوو.. بە چ تۆمەتێک؟

2021.08.03 - 14:58
App store icon Play store icon Play store icon
فەرمانی دەستگیرکردنی بۆ لاهور شێخ جەنگی دەرچوو.. بە چ تۆمەتێک؟

ناس کورد-

ئەمڕۆ دادگای سلێمانی فە‌رمانی دە‌ستگیركردنی بۆ لاھور شێخ جە‌نگی، هاوسەرۆکی یەکێتی نیشتمانی کوردستان دە‌ركرد.

کەناڵی ناس کورد لە تێلیگرام جۆین بکە   

 

سە‌رچاوە‌یە‌كی ئاگادار لە کێشە ناوخۆییەکانی یەکێتی تایبەت بە ناس کوردی (3ی تەموزی 2021) ڕایگەیاند، ئەمڕۆ سێشەممە دادوەری دادگای سلێمانی بە تۆمەتی "ڕفاندنی هاوڵاتیان فە‌رمانی دە‌ستگیركردنی بۆ لاھور شێخ جە‌نگی هاوسەرۆكی یەكێتیی نیشتمانیی كوردستان دەکرد".

 

ئەو سەرچاوەیە وتیشی، "دادوە‌ری لێكۆڵینە‌وە‌ دۆكۆمێنتی تە‌واوی خراوەتە بەردەست و دە‌بێت بە‌زووترین كات لاھور شێخ جە‌نگی خۆی رادە‌ستی یاسا بكات".

 

لە بەرامبەریشدا لاهور شێخ جەنگی دوێنێ پەنابردنی بۆ دادگای لێكۆڵینەوەی سلێمانی ڕاگەیاند لەپای "تەشهیر و ناوزڕاندن". بەگوێرەی زانیارییەكانی "ناس كورد" لاهور شێخ جەنگی بریكارنامەی بۆ پارێزەرێك كردووەتەوە بەناوی (س. س) تا سكاڵاكەی لەقۆناغەكانی داهاتوو بجوڵێنێت و بریكارنامەكەش كە "ناس كورد" وێنەی بینیوە (3ی ئابی 2021) لەلایەن دادنوسەوە تەواوكراوە و مۆرو ئیمزای لەسەرە، بەڵام تائێستا هیچ ئەنجامێك لە سكاڵاكەی لاهور شێخ جەنگی دەرنەچووە.