گه‌ڕان

Shadow Shadow
سیاسه‌تی

وردەکاریی

ئەمریکا: بە کۆمەڵ وەڵامی ئێران دەدەینەوە

2021.08.02 - 22:44
App store icon Play store icon Play store icon
ئەمریکا: بە کۆمەڵ وەڵامی ئێران دەدەینەوە

ناس کورد-

هێشتا کاردانەوەکانی هێرشەکەی سەر کەشتییە نەوتهەڵگرەکە لە کەنارئاوەکانی عومان بەردەوام و ئەمریکاش بەڵێن دەدات "پێکەوە و بە کۆمەڵ" وەڵامی ئێران و گروپە هاوپەیمانەکانی دەداتەوە. 

کەناڵی ناس کورد لە تێلیگرام جۆین بکە   

 

ئەنتۆنی بلینکن، وەزیری دەرەوەى ئەمریکا (2ی ئابی 2021) دەڵێت، "ئێمە لە پەیوەندی و هەماهەنگی بەردەوامداین لەگەڵ بەریتانیا و ئیسرائیل و رۆمانیا و وڵاتانی تر" و جەخت دەکاتەوە کە "وەڵامی بەکۆمەڵی ئێران دەدرێتەوە."

 

پێنجشەممەی ڕابردوو، 29ی تەموزی 2021، هێرش کرایە سەر کەشتی نەوتهەڵگری "ميرسر ستريت" لە کەنارئاوەکانی عومان کە خاوەندارییەکەى دەگەڕێتەوە بۆ ئیاڵ عوفەری ئیسرائیلی.

 

هەرزوو نەفتالی بینیت، سەرۆك وەزیرانی ئیسرائیل جەختیكردەوە ئێران هێرشی سەر كەشتییە نەوتییەكەی كەنداوی عەرەبی ئەنجامداوە و وتیشی، "خۆمان دەزانین چۆن وەڵام دەدەینەوە".

 

نەفتالی بینیت لە دەسپێكی كۆبوونەوەی هەفتانەی حكومەت (1ی ئابی 2021) وتیشی، "بیستومە ئێران خۆی دەدزێتەوە لە هێرشی سەر كەشتییەكەی كەنداو بەشێوەیەكی ترسنۆكانە، بەڵام خۆمان دڵنیاین و ئەزانین چۆن وەڵامی دەدەینەوە".

 

سەرۆك وەزیرانی ئیسرائیل باسی لەوەشكرد، جیهان دوژمنكارییەكی تری ئێرانی بینی بە كوشتنی دوو هاوڵاتی بەریتانی و ڕۆمانی لەكاتێكدا ویستبوویان بەرژەوەندییەكی ئیسرائیلی بكەنە ئامانج.

 

لە لایەکی ترەوە وەزارەتی دەرەوەی ئێران تۆمەتەکانی ئیسرائیلی ڕەتکردەوە و ڕایگەیاند، بە هیچ شێوەیەک بەرپرسیار نیین لە هێرشکردنەسەر کەشتییە نەوتییەکەی ئیسرائیل لە کەناردەریاکانی عومان.

 

سەعید خەتیب، وتەبێژی وەزارەتی دەرەوەی ئێران لە کۆنگرەیەکی ڕۆژنامەوانیدا ئاشکرای کرد، "ڕژێمی سەهیۆنی دۆخێکی ناسەقامگیر و تیرۆری خوڵقاندووە، ئێرانی بە توندی ئەو تۆمەتبارکردنانە ڕەت دەکاتەوە."