گه‌ڕان

Shadow Shadow
سیاسه‌تی

’’گومرگ و داهات’’..ناوەڕۆکى کۆبوونەوەکانى وەزیرى دارایی لە سلێمانى

2021.08.02 - 17:53
App store icon Play store icon Play store icon
’’گومرگ و داهات’’..ناوەڕۆکى کۆبوونەوەکانى وەزیرى دارایی لە سلێمانى

ناس کورد-

 

وەزیرى دارایی و ئابورى لە سلێمانى چەند کۆبوونەوەیەکى لەگەڵ فەرمانگە جیاجیاکان ئەنجامدا و جەختى لەسەر زیادکردنى داهاتى ناوخۆیی کردەوە.

کەناڵی ناس کورد لە تێلیگرام جۆین بکە   

 

بەپێی راگەیەنراوێکى وەزارەتى دارایی کە دەست "ناس کورد" کەوتووە، ئەمڕۆ دووشەممە 2/ ئابی/2021 ئاوات جەناب نورى وەزیرى دارایى لە نوسینگەى خۆى لە سلێمانى لەگەڵ حاکم ئەحمەد حاجى و ستافى دادگاى گومرگى سلێمانى کۆبوەوە و لەگەل بەرزنرخاندنى کارەکانى دادگاى گومرگ داوایکردن دادگاکەیان لە مامەڵەکردن لەگەڵ کەیسەکاندا سەربەخۆ بێت و ئەوەى لە توانایاندا بێت بۆ خزمەتى دادگاى گومرگى هاوكاريان دەكات.

 

ئاماژە بەوەشکراوە، دواتر وەزیرى دارایى و ئابورى لەگەڵ بەڕێوەبەر و لێپرسراوى بەشەکانى فەرمانگەى باجى خانوبەرەى میرى و بەشی چاودێری و پشكنینی دارایى سلێمانى کۆبوەوە و داوایکرد هەوڵى زیادکردنى داهات بدەن و چاودێرى ورد بن، لەپێناو زیادکردنى داهات لە هەرێمى کوردستان و رێگرى لە گەندەڵى و بەهەدەردان و باسی لەوەش كرد دەبێت دادگاكان رۆڵێكی ئەرێنی  و بێ لایەن لە كەیسەكاندا ببینن.

 

بەپێی راگەیەنراوەکە، هەر ئەمڕۆ دوشەممە، ئاوات جەناب نورى بە یاوەرى بەڕێوەبەرى دیوان و ستافى وەزارەت سەردانى بانکى ناوەندی هەرێمى کرد و لە کۆبونەوەیەکى بەرفراواندا لەگەڵ بەڕێوەبەرى بانکەکان، داواکارییەکانی بانکەکان وەرگیرا بۆئەوەى کەموکوڕییەکانیان چارەسەر بکرێن.

 

دوێنێ یەكشەممەش وەزیرى دارایى و ئابورى سەردانی پارێزگاری سلێمانی و بەڕێوبەرایەتی گومرگ كرد و لەبارەى پاڵپشتە داراییەکان و پاڵپشتى پڕۆژەکانى سنورى پارێزگاکە و رێکخستنەوە و زیادکردنى داهات بەڵێنی هەموو پشتوانیەكی پێدان، ئەوەش بەپێی راگەیەنراوەکە.