گه‌ڕان

Shadow Shadow
سیاسه‌تی

باندەکانى دۆلارى لیبیى لەهەولێر..پۆلیس زانیارى ئاشکرادەکات

2021.08.02 - 15:29
App store icon Play store icon Play store icon
باندەکانى دۆلارى لیبیى لەهەولێر..پۆلیس زانیارى ئاشکرادەکات

ناس کورد-

 

پۆلیسى هەولێر دەستگیرکردنى چوار باندى راگەیاند، کە بەناوى ساغکردنەوەى دۆلارى لیبیەوە بەزەبرى چەک پارەیان لەخەڵک سەندووە.

کەناڵی ناس کورد لە تێلیگرام جۆین بکە   

 

هۆگر عەزیز وتەبێژى پۆلیسى هەولێر ئەمڕۆ دووشەممە لەلێدوانێکیدا بۆ رۆژنامەنوسان راگەیاند، دواى مانگێک بەدواداچوون لەسەر بنەماى چەند سکاڵایەک ئەو باندانە دەستگیرکراون کە هەستاون بە لێسەندنى پارە بەشێوازى رێگرى.

 

رونیشیکردەوە، ئەو کەسانە لە تۆڕە کۆمەڵایەتییەکان "دۆلارى لیبی" یان دەخستەڕوو، خەڵکیان بانگدەکرد بۆ شەقامى ١٢٠ مەترى و ١٥٠ مەترى دواتر بەزەبرى چەک پارەیان لەو هاوڵاتییانە دەسەند.

 

هۆگر عەزیز جەختیکردەوە، تا ئێستا چوار باندى لەو شێوەیە کە بانگەشەى مامەڵەى دۆلارى لیبی یان کردووە دەستگیرکراون، لەکاتێکدا هیچ دۆلارێکى لەو جۆرە بوونى نییە.

 

باسى لەوەشکرد، ئەندامانى باندەکان دانیان بەوەداناوە کە سی هەزار دۆلار و دوو ئۆتۆمبێلیان لە هاوڵاتییان سەندووە.


وتەبێژى پۆلیسى هەولێر داوایکرد سزاى ئەو کەسانە سوکنەکرێت و بە سزاى خۆیان بگەیەنرێن، کە لەلایەن پۆلیسەوە بە ماددەى 442 لە یاسای سزادانی عێراقی دەستگیرکراون.