گه‌ڕان

Shadow Shadow
سیاسه‌تی

دوو بڕیارى نوێ

تۆمارکردنى ناوى منداڵ بۆ وەرگرتنى بەشەخۆراک گۆڕانکاریی بەسەردا هات

2021.08.01 - 18:56
App store icon Play store icon Play store icon
تۆمارکردنى ناوى منداڵ بۆ وەرگرتنى بەشەخۆراک گۆڕانکاریی بەسەردا هات

ناس کورد-

 

بەڕێوەبەرى پسولەى خۆراکى هەولێر رایگەیاند، تۆمارکردنى منداڵى تازە لەدایکبوو بۆ وەرگرتنى بەشە خۆراک گۆڕانکاریی بەسەردا هاتووە، هەروەها تۆمارکردنى ناوى ئاوارەى سورى و ئێرانى تورکیش راگیراوە.

کەناڵی ناس کورد لە تێلیگرام جۆین بکە   

 

سیامەند نانەکەلى بەڕێوەبەرى پسولەى خۆراکى هەولێر ئەمڕۆ یەکشەممە بە تەلەفزیۆنى زمانحاڵى پارتى راگەیاند، تا ئێستا منداڵى تازە لەدایکبوو لەرێگەى بەڵگەنامەى لەدایکبوونەوە کارەکانیان رایدەکرا و ناویان بۆ وەرگرتنى بەشە خۆراک تۆماردەکرا.

 

وتیشى بەڵام بەغدا لەئێستادا بڕیارێکى دەرکردووە و ناو تۆمارکردنى بەو شێوەیە راگرتووە، چونکە کێشەى بۆ دروستکردبوون.

 

سیامەند نانەکەلى باسى لەوەشکرد، بەپێی بڕیارە نوێیەکە تۆمارکردنى منداڵ تەنها لەرێگەى ناسنامە یان کارتى نیشتیمانییەوە دەبێت، بۆیە دەبێت خێزانەکان چاوەڕوان بن تا کاتى دەرچوونى ناسنامە یان کارتى نیشتیمانى بۆ منداڵەکانیان، دواتى سەردانى بەڕێوەبەرایەتییەکانى بەشەخۆراک بکەن.

 

سیامەند نانەکەلى باسى لەوەشکرد، هەروەها لە ئێستدا بڕیارێکى دیکە دەرچووە بۆ راگرتنى تۆمارکردنى ئاوارەکانى ئێران و تورکیا و سوریا بۆ وەرگرتنى بەشە خۆراک، لەکاتێکدا پێشتر رێگەى پێدەدرا.