گه‌ڕان

Shadow Shadow
سیاسه‌تی

بودجە بۆ پەسەند ناکرێت؟

زانیاری؛ ’’لە ئەنجومەنی وەزیرانی هەرێم کێشە لەسەر پڕۆژەیاسای بودجە هەیە’’

2021.08.01 - 12:49
App store icon Play store icon Play store icon
زانیاری؛ ’’لە ئەنجومەنی وەزیرانی هەرێم کێشە لەسەر پڕۆژەیاسای بودجە هەیە’’

 

 

ناس کورد-

دوای تێپەڕبوونی هەشت مانگی سآڵی 2021، بەڵام هێشتا هەرێم یاسای بودجەی ئەمسآڵی نییە و ئەندامێکی ئامادەکردنی پڕۆژەکەش دەڵێت، لە پێنج کۆبوونەوەی ئەنجومەنی وەزیراندا بودجەی وەزارەتەکان و خەرجییەکانیان و کۆکردنەوەی داهاتەکان کێشەی بودجەکە بوون، دەشڵێت، وەزیری دارایی جەختدەکاتەوە لەسەر تێپەڕاندنی پڕۆژەکە، بەڵام ئەوە لە دەسەڵاتی وەزارەتی داراییدا نییە.  

کەناڵی ناس کورد لە تێلیگرام جۆین بکە   

 

لە سەرەتای ئەمساڵەوە، حکومەتی هەرێم چەند جارێک جەختیکردەوە لەوەی کە دوای حەوت ساڵ، ئەمساڵ هەرێمی کوردستان پڕۆژەیاسای بودجەی دەبێت و لە پەرلەمانی کوردستان پەسەند دەکرێت، بەڵام هەشت مانگی ئەمساڵ تێپەڕیوە و هێشتا هیچ ئاسەوارێکی پڕۆژەیاساکە نییە.

 

لەوبارەیەوە سەرچاوەیەکی باڵا لە وەزارەتی دارایی و ئامادەکاری پڕۆژەکە (یەکشەممە 1ی ئابی 2021) بە "ناس کورد"ی ڕاگەیاند، "ئێمە پڕۆژەکەمان تەواو کردووە و ماوەیەکی زۆریشە ناردوومانەتە ئەنجومەنی وەزیران و لە پێنج کۆبوونەوەی ئەنجومەنی وەزیرانیشدا گفتوگۆی لەسەر کراوە."

 

وتیشی، " لە کۆبوونەوەکاندا هەندێک کێشە هەبوو لەسەر پشکی وەزارەتەکان کە هی هەندێکیان بە زۆر دەزانرا و هەندێکیش بە کەم، هەروەها خەرجییەکان و کۆکردنەوەی داهاتەکانیش یەکێک بوون لە گرفتەکان، بەڵام ئەوەندە گەورە نەبوون کە ببنە ڕێگر لەبەردەم پەسەندکردنی پڕۆژەکەدا."

 

بەوتەی ئەو سەرچاوەیە، "لەگەڵ گرفتەکانیشدا وەزیری دارایی چەند جارێک جەختی لە تێپەڕاندنی پڕۆژەکە کردووەتەوە، بەڵام ئەوە لە دەسەڵاتی وەزارەتی داراییدا نییە."

 

باسی لەوەشکرد، "ئەنجومەنی وەزیران پڕۆژەکە پەسەند دەکات و پێویستە ئەوانیش وەڵامی ئەو پرسیارە بدەنەوە کە بۆچی تائێستا پڕۆژەکە پەسەند نەکراوە."

 

لەماوەی ڕابردوودا هێمن هەورامی، جێگری سەرۆکی پەرلەمانی کوردستان ڕایگەیاند، پێیوایە زۆر درەنگە بۆ پەسەندکردنی پڕۆژەیاسای بودجەی ئەمساڵ و باشترە ئەمساڵ هەرێمی کوردستان پڕۆژەیاسای بودجە نەبێت و حکومەت سەرقاڵی ئامادەکردنی پڕۆژەبودجەی ساڵی داهاتوو بێت