گه‌ڕان

Shadow Shadow
سیاسه‌تی

دووانیان برای بکوژەکەن

عێراق؛ لەسەر دارخورمایەک چوار کەس کوژران

2021.07.31 - 22:44
App store icon Play store icon Play store icon
عێراق؛ لەسەر دارخورمایەک چوار کەس کوژران

ناس کورد-

پۆلیسی پارێزگای بابل لەباشوری عێراق ڕایگەیاند، لەسەر دارخورمایەک گەنجێک لە ناحیەی (جبەلە) چوار ئەندامی خێزانەکەی کوشتووە و چواری دیکەشی بریندار کردووە. 

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا پۆلیسی بابل ( 31ی تەموزی  2021) بڵاویکردەوە، " دۆێنێ ( هەینی)  گەنجێک لەناحیەی جبەلەی سەربە پارێزگای بابل، دەستڕێژی گولـلەی لە خێزانەکەی کردووە و لە ئەنجامدا چوار کەسی کوشتووە کە بریتین لە دوو برای و برازایەکی ئامۆژنێکی، هەروەها چوار کەسی دیکەش برینداربوون." 

 

ئاماژە بەوەکراوە، " هێزەئەمنییەکان دەستبەجێ گەیشتوونەتە شوێنی رووداوەکە و پەڕاوی لێکۆڵینەوەیان  بۆ تاوانەکە کردووەتەوە، دوای وەرگرتنی زانیاریی دەرکەوتووە کێشە لە نێوان ئەو گەنجە و براکانی روویداوە ئەویش کاتێک ویستویانە چەند پارچە زەوییەک لەنێویاندا دابەش بکەن و گەنجەکەش سوربووە لەسەر ئەوەی کەیەکێک لە دارخورماکانی نێو زەوییەکان کە بێ بەریشە و بەر ناگرێت بەر ئەو بکەوێت، بەڵام براکانی ئەوەیان ڕەتکردووەتەوە، بۆیە بووەتە دەمەقاڵیان و لەئاکامدا تەقەی لێکردوون".

 

ئەوەشخراوەتەوە،" گەنجەکە ئەمڕۆ ( شەممە) لەلایەن پۆلیسی بنبڕکردنی تاوانەوە دەستگیرکراوە و بەفەرمانی دادوەری لێکۆڵینەوە بەندکراوە و پەڕاوی لێکۆڵینەوەی بۆ کراوەتەوە".