گه‌ڕان

Shadow Shadow
سیاسه‌تی

بەپەلە

هەڵوێستێکی نوێ لە لاهور شێخ جەنگییەوە لەبارەی کێشەکانی یەکێتی

2021.07.31 - 19:21
App store icon Play store icon Play store icon
هەڵوێستێکی نوێ لە لاهور شێخ جەنگییەوە لەبارەی کێشەکانی یەکێتی

ناس کورد-

لە کۆبوونەوەی نێوان عەلی باپیر، سەرۆکی کۆمەڵی دادگەری و لاهور شێخ جەنگی، عەلی باپیر دەستخۆشی لە لاهور شێخ جەنگی دەکات و دەڵێت، بە شێوەیەکی زۆرباش مامەڵەی لەگەڵ دۆخەکەدا کردووە، لاهور شێخ جەنگیش دەڵێت، هیچ کارێک ناکەین پێچەوانەی پەیڕەوی ناوخۆی یەکێتیی بێت.

کەناڵی ناس کورد لە تێلیگرام جۆین بکە   

 

ئه‌مڕۆ شه‌ممه 31ی تەموزی 2021، لاهور شێخ جەنگی، هاوسەرۆکی یەکێتیی نیشتمانیی کوردستان لە شاری سلێمانی پێشوازی کرد لە عه‌لی باپیر، سه‌رۆكی كۆمه‌ڵی دادگه‌ریی كوردستان و وەفدێکی هاوڕێی.

 

بەگوێرەی ڕاگەیەنراوێکی نوسینگەی لاهور شێخ جەنگی، "لە دیدارێکدا گفتوگۆ کرا دەربارەی پەرەپێدانی پەیوەندییەکانی  نێوان هەردوولا و  کێشەکانی ناوخۆی یەکێتیی نیشتمانیی کوردستان و هەوڵەکانی تایبەت بە چارەسەرکردنیان."

 

ئاماژە بەوەشکراوە، "لاهور شێخ جەنگی سوپاسی پەرۆشی و هەوڵەکانی مامۆستا عەلی باپیری کرد بۆ پشتیوانیکردن لە یەکێتیی و چارەسەرکردنی کێشەکان، هاوکات دڵنیاییدا لەوەی هیچ کارێک ناکەن پێچەوانەی پەیڕەوی ناوخۆی یەکێتیی بێت."

 

بەگوێرەی ڕاگەیەنراوەکە، لاهور شێخ جەنگی ڕاشیگەیاندووە، " هەوڵمانداوە هەموو کێشەکان بە ڕێگای حزبی و لە چوارچێوەی کۆبوونەوەی ئەنجوومەنی سەرکردایەتیی حزبەکەم چارەسەر بکرێن."

 

ئەوەش هاتووە، "لای خۆیەوە سه‌رۆكی كۆمه‌ڵی دادگه‌ریی كوردستان ستایشی ڕۆڵی حەکیمانەی هاوسەرۆک لاهور شێخ جەنگی کرد کە بە شێوەیەکی زۆرباش مامەڵەی لەگەڵ دۆخەکەدا کردووە و توانیویەتی هاوسەنگی بپارێزێت."

 

ئاماژە بەوەشکراوە، "لە بەشێکی تری دیدارەکەدا باسی هەڵبژاردنەکانی داهاتوو کرا و هەردوولا جەختیان لە یەکڕیزی و تەبایی نێوان سەرجەم هێز و لایەنە کوردستانییەکان کردەوە بۆ ئەوەی پێگەی کورد لە بەغدا بەهێز بێت و بە یەکدەنگی پشتیوانی لە مافە نەتەوەیی و نیشتمانییەکان بکەن."

 

پێش سەردانەکەی بۆ لای لاهور شێخ جەنگی، عەلی باپیر سەردانی مەکتەبی سیاسیی یەکێتیی کرد و لەگەڵ بافڵ تاڵەبانی و شاندێکی یەکێتی کۆبووەوە. 

 

زیاتر بخوێنەرەوە: بافڵ تاڵەبانی قسەی نوێ لەبارەی گۆڕانکارییەکانی یەکێتییەوە دەکات