ناس کورد-
عەمرو خالید، بانگخوازى دیارى ئیسلامى بەهۆى پرسیارێکى تایبەت بە ئیخوان موسلمینەوە لە بەرنامەیەکى تەلەفزیۆنى کشایەوە، بەڵام دواى دوو خولەک گەڕایەوە بەرنامەکە.
کەناڵی ناس کورد لە تێلیگرام جۆین بکە
ئێوارى ڕۆژى هەینى (30ى تەموزى 2021) عەمرو خالید بانگخوازى ئیسلامى لە وڵاتى میسر لە بەرنامەیەکى تەلەفزیۆنى لە کەناڵى "العرەبیة"ى سعودى بەشدارى کرد، بەڵام بەهۆى لادان لە بابەتى بەرنامەکە و پرسیارى تایبەت بە گروپى ئیخوان موسلمین کە لە میسر قەدەغە کراوە بەرنامەکەى جێهێشت.
شاهد انسحاب الدكتور عمرو خالد من الحلقة احتجاجا على أسئلة تتعلق بعلاقته بجماعة #الإخوان_المسلمين.
— العربية برامج (@AlArabiya_shows) July 30, 2021
#سؤال_مباشر#مصر@amrkhaled@khalid76 pic.twitter.com/p21llL0QsD
ئەو بانگخوازە کە بە ڕێگەى ئۆنلاین بەشدار بوو دواى پرسیارەکە مایکەکەى لەخۆى کردەوە و کورسییەکەى جێهێشت، بەڵام دواى دوو خولەک گەڕایەوە و داواى لە پێشکەشکارى بەرنامە کرد لە پابەند بێت بە تەوەرى بەرنامەکەوە کە قسەکردنە لەسەر لێبوردەیى و چاکەکردن لە ئیسلامدا.
عمرو خالد: نعم حرضت على المظاهرات ضد الرئيس المصري الأسبق حسني مبارك.
— العربية برامج (@AlArabiya_shows) July 30, 2021
الداعية المصري عمرو خالد للعربية.#سؤال_مباشر#مصر@amrkhaled@khalid76 pic.twitter.com/Sgsw0U6mEW
عەمر و خالید یەکێکە لەو بانگخوازە ئیسلامییە دیارانەى میسر و جیهانى عەرەبە، کە چەند جاریک تۆمەتى ئەوەى دراوەتە پاڵ کە سەربە گروپە ئیخوان موسلمینە.
لەماوەى ڕابردوودا عەمرو خالید بە ڕیکلام بۆ جۆرێکى مریشک هەراى نایەوە کە تێیدا دەیوت "مريشك دەتخاتە بە هەشتەوە"، سەبارەت بەو بابەتەش کە لە میسر و لەناو وڵاتانى ئیسلامى هەراى نایەوە و بە تێکەڵکردنى ئایین و بازرگانى تۆمەتباریان دەکرد، ئەو بانگخوازە ئاماژەى بەوەداوە، پەشیمانە لەو کارەى و ئەوەش یەکێکە لەو شتانەى کە لە ژیانیدا کردونى و پەشیمانە لێیان، دەشڵێت "ئێستا عەمرو خالید پێگەیشتووە و کەسەکەى پێشوو نییە".
