گه‌ڕان

Shadow Shadow
سیاسه‌تی

وردەکاریی

خەزعەلی: ئەمەریكا لە ترسی مەهدی كەنداوی پڕ كردووە لە كەشتی جەنگی

2021.07.31 - 15:55
App store icon Play store icon Play store icon
خەزعەلی: ئەمەریكا لە ترسی مەهدی كەنداوی پڕ كردووە لە كەشتی جەنگی

ناس کورد-

قەیس خەزعەلی، ئەمینداری گشتی بزوتنەوەی عەسایب ڕایگەیاند، "گردبوونەوەی ئەو هەموو گەلەكەشتییەی ئەمەریكا لە ئاوەكانی كەنداو خۆئامادەكردنە بۆ ئەگەری دەركەوتنی ئیمام مەهدی".

کەناڵی ناس کورد لە تێلیگرام جۆین بکە   

 

خەزعەلی لەم چەند ڕۆژەی دواییدا گرتەیەكی ڤیدیۆیی بڵاوکرایەوە كە "ناس كورد" بینیویەتی (31 تەموزی 2021) دەڵێت، "ئەمەریكا خۆی بۆ ئەگەری دەركەوتنی ئیمام مەهدی ئامادە دەكات، ئەم وڵاتەشی داگیركردووە و بەبێ بەرگری ناڕوات، مانەوەی هێزەكەشی بێ قوربانی و باجدان نابێت و باجەكەش قورس دەبێت".


بەقسەی خەزعەلی، ئەم بۆچوونانەی ئەو هەمان ئەو شتەیە كە محەمەد صادق سەدر پێشتر وتوویەتی لەبارەی ترسی ئەمەریكا لە دەركەوتنی ئیمام مەهدی و دەڵێت "ناكرێت متمانە بەقسەكانی ئەمەریكا بكرێت و ئەوە هەڵەیە هەر لەبنەڕەتەوە".


مەهدی مونتەزەر لە بیروباوەڕی شیعەدا ئیمامی دوازدەیەمە و ئێستا ستوودە (غیب) بووە و پێیانوایە ڕۆژێك دەردەكەوێت و ماف بۆ شیعە دەگێرێتەوە و دادگەری بەرقەرار دەكات. لە غیابی مەهدیشدا شەرعزانەكانی شیعە (مەرجەعەكان) ئەركی ئاراستەكردنی جەماوەریان لەئەستۆیە و لە ئێران بیرۆكەی بریكاری ئیمام مەهدی هەیە كە ڕابەری باڵای شۆڕشی ئێرانییە.