گه‌ڕان

Shadow Shadow
سیاسه‌تی

زانیاریی زیاتر

پەکەکە لەسەر دیارنەمانی گەریلایەکی داوای ڕوونکردنەوە لە پارتی دەکات

2021.07.31 - 10:21
App store icon Play store icon Play store icon
پەکەکە لەسەر دیارنەمانی گەریلایەکی داوای ڕوونکردنەوە لە پارتی دەکات

ناس کورد-

ناوەندی چاپەمەنی و ڕاگەیاندنی هەپەگە ڕایگەیاند، پەیوەندییان لەگەڵ ژمارەیەک گەریلا لە ناوچەی خەلیفان کە لە ژێر فەرماندەیی سەروەر سەرحەددا بوون "بە تەواوەتی بڕاوە" و لەو بارەیەوە چاوەڕێی ڕاگەیندراوی فەرمی پارتی دەکەن.

کەناڵی ناس کورد لە تێلیگرام جۆین بکە   

 

لە پەیامێکدا، ناوەندی چاپەمەنی و ڕاگەیاندنی هەپەگە لە ڕاگەیەنراوێکدا دەڵێت، "لە ڕۆژی 26ی تەموزەوە پەیوەندیمان لەگەڵ پۆلێک لە هەڤاڵانمان لە گوندی بێخمەی سەر بە دەڤەری خەلیفان لە باشووری کوردستان بچراوە، بەو بۆنەشەوە چاوەڕۆانی ڕاگەیندراوی پەدەکەین لەوبارەیەوە."

 

هەپەگە ئاشکرای کردووە کە "ئەو پۆلە گەریلایە لە سێ گەریلا بە ناوەکانی فەرماندە سەروەر سەرحەد، فەرماندەی ئەیالەتی خواکورک ، وەرگەش چراڤ و دژوار بەرخۆدان پێکدەهاتن کە فەرماندە سەروەر یەک لە فەرماندە بە ئەزموونەکان بووە لە بەرخۆدانییەکانی باکووری کوردستاندا و بڕیار بوو بۆ بەجێهێنانی ئەرکێک لە خەلیفانەوە بڕۆنە هەرێمی بادینان کە لە ئەنجامی هێرشێکدا لە گوندی بێخمەی خەلیفان لە لایەن هێزەکانی پەدەکەوە، پێوەندیمان بەو سێ هەڤاڵەمانەوە نەماوە."

 

باسی لەوەشکردووە، "لەسەر چارەنووسی ئەو گەریلایانە تاکوو ئێستا لە لایەن پەدەکەوە هیچ زانیارییەک ڕانەگەیندراوە و ئەوان چاوەڕێی وڵامی فەرمیین لە لایەن پەدەکەوە."