گه‌ڕان

Shadow Shadow
سیاسه‌تی

وردەکاریی

ڕاپۆرتێک؛ دوورخستنەوەی لاهور شێخ جەنگی بە پلانی ئێران و تورکیا بوو

2021.07.30 - 20:40
App store icon Play store icon Play store icon
ڕاپۆرتێک؛ دوورخستنەوەی لاهور شێخ جەنگی بە پلانی ئێران و تورکیا بوو

ناس کورد- 

ڕۆژنایەکی ئیسرائیلی ڕاپۆرتێکی دەربارەی نێوخۆی یەکێتیی نیشتیمانیی کورستان بڵاوکردووەتەوە و دەڵێت، بافڵ تاڵەبانی بە هاوکاری ئێران و تورکیا ئەو گۆڕانکارییانەی کردووە و بە "دەستگرتن بەسەر یەکێتیدا" ناوی دەبات و دەشڵێت، هەردوو بەرپرسە نوێیەکەی دەزگای زانیاری و دژەتیرۆر پەیوەندی توندوتۆڵیان لەگەڵ ئێران هەیە.

کەناڵی ناس کورد لە تێلیگرام جۆین بکە   

 

رۆژنامەی "هايرێتز"ی ئیسرائیلی (هەینی 30ی تەموزی 2021) ڕاپۆرتێکی شیکاریی دەربارەی گۆڕانکارییەکانی ئەم دواییەی نێو یەکێتی بڵاوکردووەتەوە کە "ناس کورد" بینیویەتی و تیایدا هاتووە، "بافڵ تاڵەبانی بە هاوکاریی ئێران و تورکیا توانیویەتی دەست بگرێت بەسەر ئەو حزبەی کە باوکی دایمەزرێنەرییەتی و ڕووداوەکانی 8ی تەموز پلانێکی هاوبەشی ئەو دوو وڵاتەیە." 

 

بەگوێرەی ڕاپۆرتەکە، "هەریەک لە ئێران و تورکیا دەیانەوێت كاریگەرییان لەسەر هەڵبژاردنی داهاتوی پەرلەمانی عێراق هەبێت ھەژمونی خۆیان لە هەرێمی کوردستان بەهێزتر بكەن‌." 

 

لە ڕاپۆرتەکەدا لاهور شێخ جەنگی بە هاوپەیمانی دڵسۆزی ئەمەریکا ناوبراو و ئاماژە بەوەکراوە، "لەشەڕی كورد دژی داعش‌ کاریگەری گەورەی هەبووە و  بەرهەڵستكارێكی توندی دەستتێوەردانەکانی ئێران‌ و توركیا بو لەهەرێمی كوردستان، هەربۆیە هەردوو وڵاتەکە لە دژی کاریان کردووە." 

 

ڕاپۆرتەکە ناکۆکییەکانی تورکیا و لاهور شێخ جەنگی بەستووەتەوە بەوەی کە "ناوبراو دروستکەری پەیوەندیی نێوان ئەمەریکا و کوردانی ڕۆژئاوا بوو، لەکاتێکدا تورکیا بە هاوپەیمانی پەکەکە ناویان دەبات." 

 

سەبارەت بە ئێرانیش، ڕاپۆرتەکە ئاماژەی بەوەکردووە، "ئەگەرچی پەیوەندی نێوان لاهور شێخ جەنگی و ئێرانیەکان باش بووە، بەڵام ئێران بافڵ تاڵەبانیی لەو پێپباشتر بووە بۆ پەیوەندی." 

 

ڕۆژنامە ئیسرائیلییەکە چاوی خستووەتەسەر دەستبەکاربوونی هەردوو بەرپرسە نوێیەکەی دەزگای زانیاری و دژەتیرۆر (ئەژی ئەمین‌ و وەهاب هەڵەبجەیی) و ئاماژەی بەوەکردووە، "ئەو دوو کەسە هەردووکیان  پێشتر لەناو حیزبە ئیسلامیەكاندا چالاکییان هەبووە و پەیوەندییەكی توندوتۆڵیان لەگەڵ ئیتلاعاتی ئێران هەیە، ئەوەش بۆ دروستکردنی هەماهەنگی لەگەڵ ئێران بەتایبەت بۆ بەهێزکردنی کوتلەکانی نزیک لە ئێران لە خولی داهاتووی پەرلەمانی عێراق لە بەرامبەر هەماهەنگییەکانی مستەفا کازمی و سەدر و بارزانی بۆ هەڵبژاردنی پێشوەختە." 

 

ئێوارەی 8 تەمموزی 2021، بافڵ تاڵەبانی  هاوسەرۆكی یەكێتی و قوباد تاڵەبانی جێگری سەرۆك وەزیران، بەرپرسانی دەزگای زانیاری و دژە تیرۆریان گۆڕی كە یەكەمیان كەسێكی نزیكی لاهور جەنگی و ئەویتریان پۆلاد جەنگی بوو، بەدوای ئەوەشدا بافڵ تاڵەبانی دەستی گرت بەسەر دەزگا میدیایی و حزبییەكانی سەر بە لاهور شێخ جەنگی هاوسەرۆكەكەیتری یەكێتی.

 

میدیا فەرمی و نیمچە فەرمییەكانیتری یەكێتی و بافڵ تاڵەبانی پێداگرن لەسەر ئەوەی بازنەی دەوروبەری لاهور جەنگی و دووان لە براكانی هۆكاری سەرەكی تەشەنەكردنی قاچاخچێتی و پارە سپیكردنەوە و داگیركردنی زەوی و بەكارهێنانی هێزە ئەمنییەكانیان بوون بۆ مەرامی شەخسی لەژێر دەسەڵاتی یەكێتی، لە بەرامبەریشدا لاهور شێخ جەنگی جەخت لەوە دەكاتەوە ئەوەی بەرامبەری كراوە پیلانگێڕی توركیا و پارتییە و هۆكارەكەشی هاوكاریكردنی بووە بۆ رۆژئاوای كوردستان.