گه‌ڕان

Shadow Shadow
سیاسه‌تی

زانیاریی زیاتر

تەندروستیی عێراق لەبارەی سەپاندنی قەدەغەی هاتوچۆی گشتیی ڕوونکردنەوە دەدات

2021.07.30 - 14:51
App store icon Play store icon Play store icon
تەندروستیی عێراق لەبارەی سەپاندنی قەدەغەی هاتوچۆی گشتیی ڕوونکردنەوە دەدات

ناس کورد-

وەزارەتی تەندروستی و ژینگەی عێراق ڕەتیکردەوە هیچ بڕیارێک لەبارەی سەپاندنی قەدەغەی گشتی هاتوچۆ درابێت و ڕاشیگەیاند، لیژنەی باڵای تەندروستیی و خۆپارێزی نیشتیمانی بڕیار لەوباریەوە دەدات و بە فەرمی ڕایدەگەیەنێت.

کەناڵی ناس کورد لە تێلیگرام جۆین بکە   

 

روبا فەلاح، ئەندامی تیمی ڕاگەیاندنی وەزارەتەکە ( 30ی تەموزی 2021) ڕایگەیاند، "تائێستا هیچ بڕیارێک لەبارەی سەپاندنی قەدەغەی گشتی هاتوچۆ نەدراوە".

 

وتیشی، "ئەو بابەتە پەیوەستە بە لیژنەی باڵای تەندروستی و خۆپارێزیی نیشتیمانییەوە، هەرکات ئەوان بڕیاریاندا ئەوا بەفەرمی ڕادەگەیەنرێت". 

 

وتەکانی فەلاح لەکاتێکدا کە چەند ڕۆژێک لەمەوبەر لەتۆڕە کۆمەڵایەتییەکان وێنەیەکی کارتی ڕێگەپێدانی ( باج)ی تایبەت بەو کەسانەی کەدەتوانن لەکاتی قەدەغەی هاتوچۆدا هاتوچۆ بکەن بڵاوبووەوە کە بەرواری 1ی مانگی ئابی داهاتوو تا 31ی هەمان مانگی لەسەربوو.

 

بەگوێرەی دوایین ئاماری توشبوون بەپەتاکە لەعێراق کە لەلایەن وەزارەتی تەندروستی و ژینگەوە بڵاوەکراوەتەوە، دوێنێ ( پێنجشەممە 29ی تەموزی 2021) زیاتر لە 13 هەزار کەس لە عێراق توشی ڤایرۆسەکە بوون و 49 کەسیش گیانیان لەدەستداوە و پارێزگای دهۆکیش بەپلەی دووەم هاتووە لەسەر ئاستی عێراق لەدوای ناوچەی کەرخی شاری بەغدا لە ژمارەی توشبوون بە ڤایرۆسەکە، بەجۆرێک ژمارەی توشبووان لەو پارێزگایە زیاتر لەهەزار و400 کەس بووە.