گه‌ڕان

Shadow Shadow
سیاسه‌تی

بەپەلە

دوو بەرپرسی ئەمنی لە سلێمانی دەستگیر کران

2021.07.29 - 17:02
App store icon Play store icon Play store icon
دوو بەرپرسی ئەمنی لە سلێمانی دەستگیر کران

 ناس کورد-

بەرپرسی پێشووی دەزگای زانیاریی گەرمیان کە پێش سێ هەفتە لەسەر کار لادرا، درەنگانی شەوی ڕابردوو لە سلێمانی دەستگیرکرا، ئەمڕۆش ئەفسەرێکی ئاسایشی سلێمانی دەستگیرکرا. 

کەناڵی ناس کورد لە تێلیگرام جۆین بکە   

 

سەرچاوەیەکی ئەمنیی ئاگادار لە سلێمانی (پێنجشەممە 29ی تەموزی 2021) بە "ناس کورد"ی ڕاگەیاند، "درەنگانی شەوی ڕابردوو عەمید گۆران بەرزان، بەرپرسی پێشووی دەزگای زانیاریی گەرمیان لەلایەن هێزێکی ئەمنییەوە دەستگیرکرا."

 

لەدوای گۆڕانکارییەکانی نێو یەکێتی لە 11ی تەموزی 2021، عەمید گۆران بەرزان لە پۆستەکەی دوورخرایەوە.

 

دەقی نووسراوەکەی ئاژانستی پاراستن و زانیاری/ زانیاری لەبارەی لەسەر کار لادانی عەمید گۆران بەرزان

 

ئەو سەرچاوەیە ئاماژەی بەوەکرد، "دوورخستنەوە و دەستگیرکردنی ناوبراو پەیوەندی بە گۆڕانکارییەکانی نێو یەکێتییەوە و هەیە دەوترێت، خراپ دەسەڵاتەکانی بەکارهێناوە."

 

هاوکات هەر لەو چوارچیوەیەدا و  ئەمڕۆ پێنجشەممە، ئەفسەرێکی ئاسایشی سلێمانی دەستگیرکرا.

 

سەرچاوە تایبەتەکەی ناس کورد ئاشکرایکرد، ئەو ئەفسەرە لە چەند ڕۆژی ڕابردوودا لەگەڵ دوو برای لاهور شێخ جەنگی و کەسێکی دیکەدا فەرمانی دەستگیرکردنیان بۆ دەرچوو، ئەمڕۆ یەکێکیان دەستگیرکرا کە ئەفسەرێکی ئاسایشە.

 

بەوتەی ئەو سەرچاوەیە، سكاڵاكە لەلایەن بازرگانێكەوە لەسەر دوو برای لاهور شێخ جەنگی ‌و كوڕی سەرمایەدارێكی دیاری سلێمانی ‌و ئەفسەرێكی ئاسایش تۆمار كراوە، ئەمڕۆ لە یەكەم هەنگاوی خستنەبواری جێبەجێكردندا ئەفسەرەكەی ئاسایش دەستگیر كرا.

 

باسی لەوەشکرد، "ئەو سێ کەسەی دیکەش هەر لە سلێمانین، بەڵام هێشتا دەستگیرنەکراون."