گه‌ڕان

Shadow Shadow
سیاسه‌تی

’’هێرشیان کراوەتە سەر’’

رونکردنەوەى پەکەکە لەبارەى شەڕەکەى خەلیفان: پارتى دەستەیەک گەریلاى گەمارۆداوە

2021.07.29 - 14:05
App store icon Play store icon Play store icon
رونکردنەوەى پەکەکە لەبارەى شەڕەکەى خەلیفان: پارتى دەستەیەک گەریلاى گەمارۆداوە

ناس کورد-

هێزەکانی پاراستنی گەل (هەپەگە) باڵى سەربازى پەکەکە رایگەیاند، ماوەى سێ رۆژە ژمارەیەک گەریلا لەسنورى خەلیفان لەلایەن پارتى یەوە گەمارۆدراون، لەکاتێکدا پێشتر وەزارەتى پێشمەرگە رایگەیاندبوو چەند گەریلایەکی پەکەکە تەقەیان لە بازگەیەکی پێشمەرگە کردووە.

کەناڵی ناس کورد لە تێلیگرام جۆین بکە   

 

هەپەگە ئەمڕۆ پێنج شەممە لە راگەیەنراوێکدا کە دەست "ناس کورد" کەوتووە ئاماژەى بەوەکردووە "دەستەیەکی بچووک لە گەریلاکانمان، کە لەسەر ئەرکی خۆیان بوون، کە لە ناوچەیەکەوە بڕۆن بۆ ناوچەیەکی تر، دوای ئەوەی گەیشتوونەتە ناوچەیەکی خەلیفان، لە ٢٦ی تەممووزەوە پەیوەندییان لەگەڵ ئێمە پچڕابوو".

 

دەشڵێت "بەپێی زانیارییەکانمان، کە لە خەڵکی خۆجێی ناوچەکەوە بە دەستمان هێناوە، هێزەکانی سەر بە پارتی دیموکراتی کوردستان (پەدەکە) ئەو دەستەیە لە گەریلاکانیان گەمارۆداوە و هێرشیان کردووەتە سەریان و هەندێک لە هەڤاڵانمان شەهید بوون".

 

"لە هەمان کاتدا بەرپرسانی پەدەکە لە راگەیاندنەکاندا لێدوانیان داوە، کە لە خەلیفان رووداوێک روویداوە. لەبارەی چارەنووسی ئەو هەڤاڵانەمانەوە نیگەرانین. ئەوە هیچ مانایەکی نییە، کە دەستەیەک، کە تەنها بەوێدا دەڕۆن گەمارۆ بدرێن و هێرش بکرێتە سەریان. ئەو دۆخە قبوڵ ناکرێت".

 

هەپەگە داوادەکات پێش ئەوەى زۆر گوشار لە سنوورەکانی دان بە خۆداگرتن بکرێت "پەدەکە لەبارەی چارەنووسی ئەو هەڤاڵانەوە بۆ ئێمە و رای گشتی، نەک بە چەواشەکارانە و پێچەوانە، بەڵکو بە شێوەیەکی دروست زانیاریی بڕواپێکراو و متمانە پێکراو بڵاوبکاتەوە".

 

ئەوە لەکاتێکدایە، وەزارەتی پێشمەرگە (26ی تەموزی 2021) ڕایگەیاند، لە سنوری خەلیفان-بێخمە چەند گەریلایەکی پەکەکە تەقەیان لە بازگەیەکی پێشمەرگە و شەڕ و پێکدادان ڕوویداوەو زیانی گیانی لێکەوتووەتەوە.