گه‌ڕان

Shadow Shadow
سیاسه‌تی

ڤاکسینی کۆرۆنا دەرگای بۆ دۆزینەوەی چارەسەری دوو پەتای تر کردەوە

2021.07.29 - 10:16
App store icon Play store icon Play store icon
ڤاکسینی کۆرۆنا دەرگای بۆ دۆزینەوەی چارەسەری دوو پەتای تر کردەوە

ناس کورد-

توێژەرە ئەمەریکییەکان سەرقاڵی پەرەپێدانی ئەزموونەکانی دۆزینەوەی ڤاکسینی کۆرۆنان بۆ بەرهەمهێنان و دۆزینەوەی چارەسەری نەخۆشییەکانی ئایدز و ئەنفلۆنزای باڵندە.

کەناڵی ناس کورد لە تێلیگرام جۆین بکە   

 

باڵیۆزخانەی ئەمەریکا لە بەغدا لەرێگەی بڵاوکراوەیەکدا کە "ناس کورد" بینیویەتی (29 تەمموزی 2021) ڕایگەیاند پاش ئەوەی ڤاکسینەکانی کۆرۆنا سەرکەوتنیان بەڕێژەی 95% بەدەستهێنا لە رێگەی بەکارهێنانی شفرەی بۆماوەیی ڤایرۆسی کۆرۆناوە بۆ هاندانی بەرگری ئێستا توێژەرە ئەمەریکییەکان سەرقاڵی گواستنەوەی ئەو ئەزموونەن بۆ هەندێ نەخۆشیتر لەپێش هەموویانەوە ئایدز و ئەنفلۆنزای باڵندە کە ساڵانە ملیۆنەها کەس گیرۆدە دەکەن لە جیهان.

 

لەم میانەیەشدا ستیڤان بانسیل، سەرۆکی کۆمپانیای مۆدێرنا لە ئەمەریکا، ڕایگەیاندووە "لەمەولا دەرفەتی ئەوەمان هەیە پەرە بەڤاکسینی نوێ بدەین دژی ئەو ڤایرۆسانەی ئازاری خەڵک دەدەن و دەتوانین کارێکی باش بکەین بۆ تەندروستی مرۆڤ".

 

لەلای خۆشییەوە کۆمپانیای ڤایزەر ڕایگەیاندووە سەرقاڵی پەرەپێدانی ڤاکسینی ئەنفلۆنزای باڵندەیە لەگەڵ کۆمپانیای بایۆنتیکی ئەڵمانی.