گه‌ڕان

Shadow Shadow
سیاسه‌تی

وردەکاریی

عەسائیب: کشانەوەى هێزەکانی ئەمریکا هەمووی درۆ و فێڵە

2021.07.28 - 23:49
App store icon Play store icon Play store icon
عەسائیب: کشانەوەى هێزەکانی ئەمریکا هەمووی درۆ و فێڵە

ناس کورد-

ئەمینداری گشتییی بزوتنەوەى عەسائیبی ئەهلی حەق جەختی کردەوە هیچ شتێک لەبارەى کشانەوەى هێزەکانی ئەمریکا لە عێراق لە ئارادا نییە و بابەتەکەش "هەمووی درۆ و فێڵە".

کەناڵی ناس کورد لە تێلیگرام جۆین بکە   

 

قەیس خەزعەلی، ئەمینداری بزوتنەوەکە لە وتارێکیدا (28ی تەموزی 2021) دەڵێت، "ئیدارەی ئەمریکا هیچ نیازێکی ڕاستەقینەی نییە بۆ دەرچوون لە عێراق، دەرئەنجامی گفتوگۆی ستراتیژیش کشانەوەى ئەمریکا نییە لە عێراق، بەڵکو تەنها یاریکردنە بە وشە و دەربڕینەکان."

 

وتیشی، "هێزەکانی ئەمریکا ناکشێنەوە و بابەتەکە هەمووی درۆ و فێڵە."

 

باسی لەوەشکرد، "بابەتی کۆتاییهاتنی ئەرکی شەڕکردنی هێزەکانی ئەمریکا بە زاری سەرۆکى ئەمریکا و سەرۆک وەزیرانی عێراقدا نەهاتووە."

 

قەیس خەزعەلی باسی لەوەشکردووە کە "ڕاگەیەنراوی هەردوو وەزارەتی دەرەوەى عێراق و ئەمریکاش بابەتی هێزی شەڕکەری ڕوون نەکردووەتەوە کە چی لەخۆدەگرێت" و دەڵێت، "ڕاگەیەنراوی کشاندنەوەى هێزی شەڕکەر هیچ ڕوون نییە و بە مانای کشانەوەى سەربازە شەڕکەرەکان نایەت."


باسی لەوەشکردووە کە "هەموو بابەتەکە یاریکردنە بە سەردێڕ و وشەکان، فڕۆکەکانی ئەمریکا هێشتا بەسەر ئاسمانی بەغدا دەسوڕێنەوە و بۆ مەبەستی سیخوڕی بەکاردەهێنرێن."

 

سێشەممەى ڕابردوو، مستەفا کازمی، سەرۆک وەزیرانی عێراق دوای کۆبوونەوەی لەگەڵ جۆ بایدن، سەرۆکی ئەمریکا لە کۆشکی سپی وتی، "تاوەکوی کۆتایی ئەمساڵ هێزی شەڕکەری ئەمریکا دەگەڕێتەوە وڵاتەکەى خۆیان" و باسی لەوەشکرد کە "پەیوەندییەکانی نێوان عێراق و ئەمریکا دەچێتە قۆناغێکی نوێوە."