گه‌ڕان

Shadow Shadow
سیاسه‌تی

ئەنجومەنى وەزیران چەکى بێ مۆڵەت و رێکخستنەوەى داهات تاوتوێدەکات

2021.07.28 - 10:42
App store icon Play store icon Play store icon
ئەنجومەنى وەزیران چەکى بێ مۆڵەت و رێکخستنەوەى داهات تاوتوێدەکات

ناس کورد-

 

ئەنجومەنى وەزیرانى هەرێمى کوردستان ئەمڕۆ کۆدەبێتەوە و تاوتوێی پێنج تەوەر دەکات، کە یەکێکیان ڕێکخستنەوەی داهاتە ناوخۆییەکانە.

 

کەناڵی ناس کورد لە تێلیگرام جۆین بکە   

 

بەپێی راگەیەنراوێکى فەرمانگەی میدیا و زانیاری کە دەست "ناس کورد" کەوتووە، رایگەیاند، لە کۆبوونەوەی ئەمڕۆی ئەنجومەنی وەزیراندا پێنج بابەت تاوتوێدەکرێن کە بریتین لەمانەى خوارەوە:

 

یەکەم: بەردەوامی گفتوگۆکانی ئەنجومەنی وەزیران بۆ ڕێکخستنەوەی داهاتە ناوخۆییەکان و خستنەڕووی هەنگاوی کردارەکیی وەزارەتەکان لەم بارەیەوە.

 

دووەم: پێشکەشکردنی ڕاپۆرتێک سەبارەت بە دۆخی زیادبوونی بەرچاوی کەیسەکانی تووشبوون بە فایرۆسی کۆرۆنا لە هەرێمی کوردستان، و بەرزبوونەوەی ژمارەی مردووان بەهۆی ئەم پەتایە، و ئەو ڕێکارانەی پێویستە بگیرێنە بەر بۆ ڕووبەڕووبوونەوەی ئەم تەشەنەبوونەی پەتای کۆرۆنا.

 

سێیەم: خستنەڕووی پێشنیاری گۆڕینی هەردوو قەزای (سۆران) و (زاخۆ) بۆ ئیدارەی سەربەخۆ.

 

چوارەم: خستنەڕووی بابەتی ‌هەڵگرتنی چەکی بێ مۆڵەت.

 

پێنجەم: دەستپێکردنی ئامادەکارییەکانی هەردوو وەزارەتی سامانە سروشتییەکان و وەزارەتی دارایی و ئابوری بۆ دابینکردنی سووتەمەنی بۆ هاوڵاتییان لە وەرزی سەرما.