گه‌ڕان

Shadow Shadow
سیاسه‌تی

میدیاى مەلا بەختیار: بافڵ تاڵەبانی بە دەردەکەی لاهور شێخ جەنگی دەبرێت

2021.07.27 - 20:51
App store icon Play store icon Play store icon
میدیاى مەلا بەختیار: بافڵ تاڵەبانی بە دەردەکەی لاهور شێخ جەنگی دەبرێت

ناس کورد-

 

میدیایەکى سەر بە مەلا بەختیار بڵاویکردەوە، ئەگەر گۆڕانکاری ڕاستەقینە نەیەتەدی، ئەوانەى بە تەکەتول بۆ ئەندامی سەرکردایەتی و مەکتەبەکان باڤڵ تاڵەبانیش بە دەردەکەی لاهوری شێخ جەنگی دەبەن.

کەناڵی ناس کورد لە تێلیگرام جۆین بکە   

 

لەوتارێکدا لەبارەى کێشە ناوخۆیی یەکێتى کە لە پێگەى "چاودێر" سەر بە مەلا بەختیار بڵاوکراوەتەوە ئاماژە بەوەکراوە، "یەکێتی پێش و پاش کۆنگرە کرابووە مەیدانی تەراتێنی سەنگەر گواستنەوە بۆ لای بەرپرسە باڵاکان و ژیانی حیزبایەتی لاواز کرابوو".

 

ئەوەش خراوەتەڕوو "یەکێتی پێش و پاش کۆنگرە خرابووە ناو گێژاوی موزیادەی سیاسی و بەرزکردنەوەی دروشمی کاڵفامی و تێکدانی پەیوەندیە سیاسییەکان".

 

"بەو دۆخە سیاسی و ئابوری و حوکومڕانی و حیزبایەتیە، زەمینەی سازدانی چوارەمین کۆنگرە لەژێر دروشمی نوێ بونەوە سازدا! ئەو پیلانگێڕیە، زۆربەی سەرکردە و تەکتەلوکاتی یەکێتی و دەزگای زانیاری، بەشدار بوون لە داڕشتنیا".

 

لەوتارەکەدا هاتووە "ئێستا بەشێکی ئەو پیلان گێڕانە وەلاخراوون. بەڵام بەشی زۆریشی ماوون و سەرگەرمی بادانەوە و هەڵواسینی وێنەی نوێن (نەك نوێ بونەوە)".

 

هەروەها ئەوە خراوەتەڕوو "لە ناو ئەمانەی هێشتا لە ناو یەکێتیدا زۆرن تەراتێنی هەلپەرستی دەکەن، تازە تازە خەبەریان بۆتەوە و باسی گەندەڵی و حوکمڕانی مافیای تلیاك فرۆشان و رزگارکردنی سلێمانی لەو باندانە دەکەن. ئەمە لە کاتێکدا ئەمانە خۆشیان لەوانە بون و دەستیش لە باند بازی هەڵناگرن".

 

هەر لە وتارەکەدا هاتووە "ئەوانەی ئێستا هەڵوێست وەردەگرن، لە پێش و لەناو کۆنگرەو لە دوای کۆنگرەش دژی ئەو تێکۆشەرانە بوون کە هەڵوێستیان هەبوو. تەنانەت سەدان لەو خاوەن هەڵوێستانە ئێستا دوورن لە پلەو پایە".

 

"ئەوەی پێشتریش بە شان و باهۆی هاوسەرۆك لاهوری هەڵی دەداو ئێستا بایدەدا هیچ نەبێ لەبەردەم وێنەی خۆیان و لاهوردا شەرم دایان بگرێ و بایی ئەوەی تیا بێڵنەوە، لاهور بەبێ ئەوەی شایستە بن.. پێشی خستوون و بە تەکەتول بۆ ئەندامی سەرکردایەتی و مەکتەبەکان لەسەر حسابی تێکۆشەرە شایستەکان بەرزی کردونەتەوە".

 

لەوتارەکەدا جەختکراوەتەوە "بێگومان ئەگەر بێت و دوای هەر گۆڕانکاریەك کە بڕیارە بێتە پێشەوە، گوێ لەم لادەر و بادەرانە بگیرێ، بە دڵنیاییەوە دۆخی قۆناغی ئێستای یەکێتی باشتر نابێ لە قۆناغی چوارەمین کۆنگرە. ئەگەر گۆڕانکاری ڕاستەقینەش نەیەتەدی، هەر ئەم هەلپەرستانە باڤڵ تاڵەبانیش بە دەردەکەی لاهوری شێخ جەنگی دەبەن".