گه‌ڕان

Shadow Shadow
سیاسه‌تی

زانیاریی زیاتر

سێ پێشنیاز لەبارەی قەدەغەی هاتوچۆ و دەوامی فەرمانبەران و تاقیکردنەوەکان دەخرێنەڕوو

2021.07.27 - 09:30
App store icon Play store icon Play store icon
سێ پێشنیاز لەبارەی قەدەغەی هاتوچۆ و دەوامی فەرمانبەران و تاقیکردنەوەکان دەخرێنەڕوو

ناس کورد-

ڕاوێژکاری تەندروستیی پەرلەمانی کوردستان ڕایگەیاند، ئەگەرچی دۆخی تەندروستی لە ئاستێکی خراپدایە، بەڵام لەئێستادا پێویست بە قەدەغەی هاتوچۆ ناکات و دەشڵێت، پێویستە ئەو شوێنانەی کە قەرەباڵغی تێدا دروست دەبێت دابخرێن و دەوامی فەرمانگەکانیش ڕێکبخرێنەوە، هاوکات سەبارەت بە تاقیکردنەوە گشتییەکانیش ڕوونکردنەوە دەدرێت.

کەناڵی ناس کورد لە تێلیگرام جۆین بکە   

 

د.خاڵس قادر، ڕاوێژکاری تەندروستی پەرلەمانی هەرێمی کوردستان (سێشەممە 27ی تەموزی 2021) بە "دەنگی ئەمەریکا"ی ڕاگەیاند، " به‌داخه‌وه‌ ئێستا کۆرۆنا له‌ هه‌ڵکشانی به‌رده‌وامدایه‌ و ڕێژه‌ی بڵاوبوونه‌وه‌که‌ی یه‌کجار زۆره‌، ئه‌وه‌ی که‌ دوێنێ بڵاوکرایه‌وه‌ ڕێژه‌ی ده‌رکه‌وتنی نه‌خۆشیه‌که‌ له‌ نموونه‌ی ئه‌و که‌سانه‌ی که‌ پشکنینان بۆ کراوه‌ 20.7% که‌ ئه‌وه‌ش ڕێژه‌یه‌کی یه‌کجار زۆره‌ مانای ئه‌وه‌یە هێشتا ژماره‌یه‌کی زۆر زیاتریش خه‌ڵکی توشبوو هه‌یه‌، به‌ڵام له‌وانه‌یه‌ هێشتا پشکنینیان بۆ نه‌کرابێت و هه‌یانبێت."

 

ئاماژەی بەوەشکردووە، " هۆکاری سه‌ره‌کی بۆ ئه‌و زیادبوونه‌ی ئێستا یه‌که‌م په‌یوه‌ندی هه‌یه‌ به‌جۆری ڤایڕه‌سه‌که‌ ئه‌و ڤایڕه‌سی نویێه‌ی دێلتا که‌ ئێستا ده‌ستی پێکردووه‌ به‌ بڵاوبوونه‌وه‌ هه‌روه‌کو ڕاسپارده‌کانی ڕێکخراوی ته‌ندروستی جیهانیش پێشبینی ئه‌وه‌ی کردووه‌ و هۆشداری ئه‌وه‌شی داوه‌ که‌ له‌چه‌ند هه‌فته‌ی داهاتوو زۆربه‌ی هه‌ره‌زۆری کۆرۆناکان ده‌بێت به‌ جۆری دێلتا له‌سه‌رتاسه‌ری وڵاتانی جیهان، هۆکاری دووه‌م ئه‌وه‌یه‌ خۆپارێزی زۆر زۆر که‌مه‌ ده‌توانیین بڵێین به‌ڕاده‌یه‌که‌ هه‌ر نییه‌ له‌ناو هاوڵاتیان ڕاستیه‌کەی جێگه‌ی مه‌ترسیه‌ ئێستا خۆپاراستن زۆر که‌مبووه‌ و ڕێوشوێنه‌کانیش سوک کراون و زۆر شلکراون ئه‌وه‌ش هۆکارێکی تره."

سەبارەت بە ئەگەری ڕاگەیاندنی قەدەغەی هاتوچۆ، د. خاڵس قادر ئەوەی خستووەتەڕوو، " من پێموایه‌ زۆر پێویسته‌ له‌ئێستادا ڕێکاره‌کان هه‌مووی توند بکرێنەوە، به‌ڵام مه‌رج نییه‌ بگاته‌ ئه‌و ڕاده‌یه‌ی که‌ قه‌ده‌غه‌ی هاتوچۆ ڕابگه‌یه‌نرێت به‌تایبه‌تی قه‌ده‌غه‌ی هاتوچۆی سه‌رتاسه‌ری له‌ئێستادا، به‌ڵام توندکردنه‌وه‌ی ڕێکاره‌کان و پێش ئه‌وه‌ ڕێگه‌گرتن له‌هاتنی ژماره‌ی زیاتری گه‌شتیار و خێراکردن له‌کۆتایی هێنان به‌گه‌شتی ئه‌و که‌سانه‌ی که‌ ئێستا له‌ هه‌رێمی کوردستانن به‌ڕاستی یه‌کێکه‌ له‌ هۆکاره‌کانی زیاتر قه‌ڕه‌باڵغ کردن."

 

ڕوونیشیکردووەتەوە، "ڕێکاری گرنگی تر ئه‌وه‌یه‌ که‌ ڕێگه‌ له‌هه‌موو جۆره‌ گردبوونه‌وه‌ و قه‌ڕه‌باڵغیه‌ک بگیرێت به‌تایبه‌تی ئه‌و شوێنانه‌ی که‌ ناکرێت کۆنتڕۆڵ بکرێت پێویسته‌ ئه‌و شوێنانه‌ دابخرێن، هه‌ندێک شوێنی گه‌شتیاری هه‌یه‌ و هه‌ندێک شوێن هه‌یه‌ ناتوانرێت کۆنتڕۆڵ بکرێت پێویسته‌ بڕیاری داخستنی ئه‌و شوێنانه‌ بدرێت هه‌روه‌ها چۆنیه‌تی ده‌وامکردنی فه‌رمانبه‌ران ئه‌وانه‌ ڕێکاری گرنگ و هه‌نوکه‌یین و ده‌توانرێت ئه‌گه‌ر ئێستا بگیرێته‌به‌ر له‌وانه‌یه‌ له‌ماوه‌ی چه‌ند ڕۆژێکی که‌م ئه‌نجامه‌کانی ببینیین پێموانییه‌ له‌ئێستادا قه‌ده‌غه‌ی هاتوچۆی گشتی چاره‌سه‌رێکی گونجاو بێت."

 

هاوکات دەربارەی بەردەوامی ئەنجامدانی تاقیکردنەوەکان؟ ، سەرۆکی دیوانی ئەنجومەنی وەزیران باسی لەوەکردووە، "تاقیکردنه‌وه‌کان پێویسته‌ پابه‌ندی ڕێنماییه‌کان بن، پێویست ناکات له‌ئێستادا ڕابگیرێت، به‌ڵام به‌و مه‌رجه‌ی که‌ ڕێوشوێنه‌کان به‌توندی جێبه‌جێ بکرێت چونکه‌ ژماره‌که‌ دیاریکراوه‌، هەروەها مه‌جالی زۆر هه‌یه‌، شوێنه‌کان فراوانن ده‌کرێت ڕێنماییه‌کانی خۆپارێزی جێبه‌جێ بکرێت، چونکه‌ ئه‌وه‌ ته‌نها یه‌ک پۆلن جیاوازه‌ له‌وه‌ی هه‌موو خوێندکاران و تاقیکردنه‌وه‌ی گشتی هه‌موو پۆله‌کان بێت له‌به‌رئه‌وه‌ پێموایه‌ بۆشایی و مه‌جالی باش له‌نێو خوێندنگاکان ده‌توانن تاقیکردنه‌وه‌کان به‌ڕێوه‌ببه‌ن به‌ڵام به‌مه‌رجی پابه‌ندبوون به‌ ڕێنماییه‌کان به‌تایبه‌تی دووری نێوان کورسیه‌کان که‌ داده‌نرێن هه‌روه‌ها هه‌واگۆڕکێ و پابه‌ندبوون به‌ به‌ستنی ماسک و ئه‌و بابه‌تانه‌ی تری خۆپارێزی، به‌ڵام ئێستا که‌ ده‌ستی پێکردووه‌ پێویستی نییه‌ ڕابگیرێت به‌ڵام ده‌کرێت فشاریان له‌سه‌ربکرێت بۆئه‌وه‌ی ڕێنماییه‌کان به‌باشی جێبه‌جێ بکرێت و چاودێری بکرێت."

 

سەبارەت بە ڕاگرتنی دەوامی فەرمانبەران، د.خاڵس قادر وتی، " له‌به‌رئه‌وه‌ی ئێمه‌ ئێستا له‌ قۆناغێکداین ڕاسته‌ بڵاوبوونه‌وه‌که‌ فراوانه،‌ به‌ڵام هاوکات ژماره‌یه‌کی زۆری خه‌ڵکیش هه‌یه‌ ڤاکسینیان وه‌رگرتووه‌ و ژماره‌یه‌کی زۆر خه‌ڵک هه‌یه‌ توشبوون له‌به‌رئه‌وه‌ له‌وانه‌یه‌ ڕاگرتن زۆر سوودی نه‌بێت و زۆر پێویستی نه‌بێت، به‌ڵام ده‌کرێت دەوام که‌مبکرێته‌وه‌ له‌ئێستادا پێویست ده‌کات جارێکی تر سیسته‌می ته‌ناوب که‌ پێشتر به‌کارهاتووه‌ ئێستا جارێکی تر به‌کاربێته‌وه‌ جارێکی تر فشاربکرێته‌وه‌ هه‌موو فه‌رمانبه‌رێک له‌ فه‌رمانگه‌کان به‌ته‌واوه‌تی پابه‌ندی ڕێنماییه‌کان بێت هه‌روه‌ها هاتوچۆی سه‌ردانکاران به‌بێ ماسک ڕێگه‌ نه‌درێت هیچیان بچنه‌ناو هیچ فه‌رمانگه‌یه‌کی حکومی به‌و ڕێکارانه‌ ده‌کرێت بڵاوبوونه‌وه‌ی نه‌خۆشیه‌که‌ که‌م بکرێته‌وه‌، به‌ڵام پێموانییه‌ له‌ئێستا ڕاگرتن چاره‌سه‌ربێت بۆئه‌وه‌ی ده‌وامی فه‌رمانبه‌ر جارێکی تر ڕابگیرێت ته‌نها له‌کاتێکدا نه‌بێت که‌ بڕیاری قه‌ده‌غه‌ی هاتوچۆ درا که‌ ئه‌ویش به‌بۆچوونی من پێویست ناکات له‌ئێستادا ئه‌و بڕیاره‌ له‌وانه‌یه‌ کاریگه‌ری ئه‌وتۆی نه‌بێت."