گه‌ڕان

Shadow Shadow
سیاسه‌تی

وردەکاریى

بەرنامەى کۆبوونەوەى شانەى قەیرانەکانى پەرلەمانى عێراق ئاشکرا دەکرێت

2021.07.25 - 18:58
App store icon Play store icon Play store icon
بەرنامەى کۆبوونەوەى شانەى قەیرانەکانى پەرلەمانى عێراق ئاشکرا دەکرێت

ناس کورد- 

سەرۆکى شانەى قەیرانەکانى پەرلەمانى عێراق رایگەیاند، لە کۆبوونەوەى ڕۆژى دووشەممەى شانەکەدا باس لە چەند دۆسیەیەک دەکرێت لە دیارترینیان دۆسیەى ڤاکسینەکان، ئۆکسجین و دەرمانەکان.

 

کەناڵی ناس کورد لە تێلیگرام جۆین بکە   

 

حەسەن کەعبى (25ى تەموزى 2021) بە ئاژانسى هەواڵى عێراقییەى ڕاگەیاند، لە کۆبوونەوەى ڕۆژى دووشەممەى شانەکە باس لە دۆسیەکانى ئۆکسجین، دەرمان و ڤاکسینەکان دەکرێت، هەروەها میواندارى بەرپرسانى لایەنى دارایى و مەعنەوى دەکرێت بۆ پشتگیریکردنى سوپاى سپى.

 

کەعبى ڕونیشیکردووەتەوە، هەروەها گفتوگۆ لەسەر ئەو ناوەندانەى کەرەنتینە دەکرێت کە بەهۆى کەوتنەوەى ئاگرەوە داخراون و لەوانەیە بکرێنە ناوەندى دابەشکردنى ڤاکسین، سەرەڕاى ئەوەش گفتوگۆ دەربارەى ئەو نەخۆشانە دەکرێت کە لە ڕاڕەوى نەخۆشخانەکاندان.

 

سەرۆکى لیژنەى قەیرانەکانى پەرلەمانى عێراق وتوشیەتى، بەشێکى ترى کۆبوونەوەکە تایبەت دەبێت بە ئەو حاڵەتانەى زۆر مەترسیدار نین و چۆنێتى کەرەنتینە لە ماڵەوە، زۆرینەى دەوڵەتانى جیهان پشتیان بە کەرەنتینەى ماڵەوە بەستووە وەک بەریتانیا.