گه‌ڕان

Shadow Shadow
سیاسه‌تی

’’دەستى ئاسنین’’

قوباد تاڵەبانى: لەمڕۆوە دەرەنجامی هەوڵەکانمان دەبینن

2021.07.25 - 16:46
App store icon Play store icon Play store icon
قوباد تاڵەبانى: لەمڕۆوە دەرەنجامی هەوڵەکانمان دەبینن

ناس كورد-

 

قوباد تاڵەبانى جێگرى سەرۆکى حکومەتى هەرێم رایگەیاند،  لە ئەمڕۆ بە دواوە دەرەنجامی هەوڵەکانیان بۆ چاکسازی و کۆتاییهێنان بە گەندەڵی دەبینن و  بە دەستێکی ئاسنین بەگژ خواروخێچیییەكاندا دەچنەوە.

کەناڵی ناس کورد لە تێلیگرام جۆین بکە   

 

قوباد تاڵەبانى لەپەیامێکدا بۆ بزوتنەوەى گۆڕان بەبۆنەى ساڵیادى دامەزراندنى ئەو بزوتنەوەیەوە جەختیکردووەتەوە لەسەر هەماهەنگی و كاری پێكەوەیی یەكێتیی و گۆڕان.

 

دەشڵێت "ئێمە لە یەكێتی لە دەستپێكێكی نوێ و لە قۆناغێكی نوێداین، پێشمانوایە بەردی بناغەی چاكسازی و بەرەوپێشچوون لە بەهێزكردنی ڕایەڵەكانی پەیوەندیی هێزە سیاسییەكانی كوردستاندا دێتەدی، بەتایبەت یەكێتی و گۆڕان كە ئامانجە هاوبەشەكانیان زیاترە لە جیاوازییەكانیان".

 

"یەكێتیی نیشتمانی لەسەر گفت و بڕیاری خۆیەتی، بەگیانێكی تازەو بەكردەیی ئەمجارەیان كار بۆ چاكسازی و گۆڕانكاریی دەكات و بە دەستێکی ئاسنین بەگژ خواروخێچیییەكاندا دەچێتەوە، کۆمەڵانی خەڵکیش دڵنیا دەکەینەوە لە ئەمڕۆ بە دواوە دەرەنجامی هەوڵەکانمان بۆ چاکسازی و کۆتاییهێنان بە گەندەڵی دەبینن"، قوباد تاڵەبانى وادەڵێت.

 

هەروەها ئاماژەى بەوەشکردووە، ئەوان پێداگرن لەسەر بەرەنگاربوونەوەی توندی گەندەڵی و یاساشكێنی لەپێناو ئەوەی بگەینە حوكمڕانییەكی دروست و ڕەشید كە خەونی چەندین ساڵەی گەلەكەمانە.

 

دەشڵێت، ئەركی یەكێتی و گۆڕانە لە سەركردایەتییەوە تا بنكە جەماوەرییەكان بەجۆش و خرۆشەوە "هاوپەیمانی كوردستان" سەربخەن لە هەڵبژاردنی چاوەڕوانكراوی ئەنجومەنی نوێنەرانی عێراق.