گه‌ڕان

Shadow Shadow
سیاسه‌تی

بڕیاری نوێ

هەرێم بڕیار لەسەر ڕێکاری نوێی و قەدەغەی هاتوچۆ دەدات

2021.07.25 - 11:20
App store icon Play store icon Play store icon
هەرێم بڕیار لەسەر ڕێکاری نوێی و قەدەغەی هاتوچۆ دەدات

ناس کورد-

ئومێد خۆشناو، پارێزگای هەولێر ڕایگەیاند، ڕۆژی سێشەممە لیژنەی باڵای رووبەڕووبوونەوەی کۆرۆنا لە هەرێمی کوردستان کۆدەبێتەوە و بڕیار لەبارەى ڕێکاری نوێی و ڕاگەیاندنی قەدەغەی هاتوچۆ دەدرێت.

کەناڵی ناس کورد لە تێلیگرام جۆین بکە   

 

ئومێد خۆشناو لە کۆنگرەیەکی ڕۆژنامەوانییدا (25ی تەموزی 2021) ڕایگەیاند، "بەداخەوە جارێکی دیکە هەرێمی کوردستان لە تەوژمی سێیەمی کاریگەیەرییەکانی کۆرۆنادایە، رۆژانە بەداخەوە ژمارەی تووشبووان و مردووانیش بەهۆی ڤایرۆسەکە زیاتر دەبێت، ئێستا لە تەواوی نەخۆشخانەکانی تایبەت بە کۆرۆنا لۆد و قەرەباڵغی دەستی پێ کردووەتەوە و ژمارەی ئەو نەخۆشانەی پێویستیان بە چاودێرییە لە نەخۆشخانەکان لە بەرزبوونەوەدایە بۆیە جارێکی دیکە جەخت دەکەینەوە، تاکە هۆکار کە بتوانین کۆنترۆڵی دۆخەکە بکەین، هاووڵاتییان خۆیانن بە خۆپارێزییەکانیان".

 

وتیشی، "ئەو دەنگۆیانەی کە باس دەکرێت لەسەر رێکارە نوێکانی خۆپارێزی کە چۆن دەبێت و جارێکی دیکە قەدەغەی هاتوچۆ رادەگەیەندرێت یان نا، بۆ ئەمانە رۆژی سێشەممە لیژنەی باڵای رووبەڕووبوونەوەی کۆرۆنا کۆدەبێتەوە و بڕیاری پێویست دەدرێت و دواتریش بەهەڵسەنگاندنی دۆخەکە لە ژووری ئۆپەراسیۆنی پارێزگاکان و یەکە کارگێڕییەکان رێکارەکان دەست پێ دەکات".

 

هەرچەندە بەرپرسانی تەندروستیی هەرێم داوای دووبارە سەپاندنەوەى قەدەغەی هاتوچۆیان کردووە بەهۆی توندی شەپۆلەکەوە، بەڵام وەزیری ناوخۆی هەرێم ڕایگەیاند، هەر بڕیارێک پێویست بێت دەریدەکەن، بەڵام دیار نییە قەدەغەی هاتوچۆ ڕادەگەیەنرێت یاخود نا.

 

ڕێبەر ئەحمەد، وەزیری ناوخۆی حکومەتی ھەرێمی کوردستان (شەممە 24ی تەموزی 2021) بە میدیاکانی پارتی ڕاگەیاند، "بۆ ڕێگەگرتن لە بڵاوبوونەوەی ڤایرۆسی کۆرۆنای نوێ لە جۆری دەلتا، ئەم ھەفتەیە کۆبوونەوەی لیژنەی باڵای ڕووبەڕووبوونەوەی ڤایرۆسی کۆرۆنا ئەنجام دەدەین و ھەموو لایەنە پەیوەندیدارەکان لە تەندروستی و پارێزگار و یەکە کارگێڕییەکان و پۆلیس و ئاسایش بەشداریی کۆبوونەوەکە دەبن، لە کۆبوونەوەکەدا بڕیاری پێویست دەدەین بۆ چۆنیەتیی رووبەڕووبوونەوە و دانانی سنوورێک بۆ بڵاوبوونەوەی ڤایرۆسی کۆرۆنای نوێ لە جۆری دەلتا."