گه‌ڕان

Shadow Shadow
سیاسه‌تی

بەپەلە

هەپەگە وردەکاریی شەڕەکەی ئەمڕۆی لەگەڵ پێشمەرگە بڵاوکردەوە

2021.07.24 - 17:40
App store icon Play store icon Play store icon
هەپەگە وردەکاریی شەڕەکەی ئەمڕۆی لەگەڵ پێشمەرگە بڵاوکردەوە

 

ناس کورد-

هێزەکانی پاراستنی گەل - هەپەگە دەربارەی پێشڕەوییەکانی پێشمەرگە و ڕووداوی تەقەکردن لێیان، ڕایگەیاند، هێزەکانی پارتی پێشڕەویان کردووە بۆ شوێنی گەریلا و لە ناوچەکەشدا چەکی قورسیان تەقاندووە و ناکۆکی دروست بووە، دەشڵێت، جموجوڵی زۆری فڕۆکە جەنگییەکان و فڕۆکەی پشکنین-ی دەوڵەتی تورک بەسەر هەرێمەکەدا بەردەوامە.

کەناڵی ناس کورد لە تێلیگرام جۆین بکە   

 

ئەمڕۆ شەممە 24ی تەموزی 2021، وەزارەتی پێشمەرگە ڕایگەیاند، پەکەکە لە ناوچەی مەتینا تەقەیان لێ کردوون و ئیدانەی ئەو کارەی کرد

 

لە بەرامبەردا لە ڕاگەیەنراوێکدا ناوەندی چاپەمەنیی هێزەکانی پاراستنی گەل (هەپەگە)، ڕایگەیاند، "هێزەکانی سەر بە پارتی دیموکراتی کوردستان ڕۆژی 5ی حوزەیران، بە شێوەی هێرشێک هاتنە ناوچەی نێوان گردی چارچەل و گردی هەکاری لە هەرێمی میتینا و خۆیان جێگیر کرد، هێزەکانی پارتی دیموکراتی کوردستان سەرەڕای هەموو ئەو بانگ و هۆشدارییانە، لە دروستکردنی پەرژین لەم ناوچەیە بەردەوام بوون، ڕێگای نوێیان دروست کردووە و هێز و ئۆتۆمبێلی زرێپۆشیان گواستووەتەوە بۆ ناوچەکە بە شێوەیەکی زۆر."

 

ئاماژەی بەوەشکردووە، " بە تایبەتی لە کاتژمێرەکانی سەرەتای بەرەبەیانی ئەمرۆ شەممە 24ی تەمووزدا، ئۆپەراسیۆنێکی دیکە لە گردی چارچەل هێزەکانی خۆی بە کردەوە برد و هەوڵیدا بەرەو شوێنی گەریلا بجوڵێتەوە."

 

ئەوەشی خستووەتەڕوو، "وەک پێشتر بە ڕای گشتیی-مان وتبوو، ئەو ناوچەیەی کە باسی کرا، ناوچەی بنەڕەتیی هێزەکانی گەریلایە کە ساڵانێکە لەوێ دامەزراوە، لەنێوان گەریلا و هێزەکانی پارتی دیموکراتی کوردستان کە تازە هاتوونە ناوچەکە، مەودایەکی کەم هەیە."

 

لە ڕاگەیەنراوەکەدا ئەوەش هاتووە، " لە ئەنجامی پەرەسەندنی هێزەکانی پارتی دیموکراتی کوردستان، بەرەو بازگەکانی گەریلا، ناکۆکییەکی کورت خایەن دروست بووە و هێزەکانی پارتی دیموکراتی کوردستانیش چەکی قورسیان لە ناوچەکە تەقاندوە، لە ئەنجامدا ئاگر کەوتووەتەوە و هاوکات جموجوڵی زۆری فڕۆکە جەنگییەکان و فڕۆکەی پشکنین-ی دەوڵەتی تورک بەسەر هەرێمەکەدا بەردەوامە."