گه‌ڕان

Shadow Shadow
سیاسه‌تی

زانیاریی زیاتر

لە ڕۆژانی جەژندا 250 هەزار گەشتیار ڕوویان لە شارەکانی هەرێم کردووە

2021.07.24 - 15:55
App store icon Play store icon Play store icon
لە ڕۆژانی جەژندا 250 هەزار گەشتیار ڕوویان لە شارەکانی هەرێم کردووە

ناس کورد-
وتەبێژى دەستەى گەشتوگوزارى هەرێم ئاشکراى کرد، لە چوار ڕۆژی جەژنی قورباندا نزیکەى 250 هەزار گەشتیار سەردانى شارەکانى هەرێمیان کردووە.

کەناڵی ناس کورد لە تێلیگرام جۆین بکە   

 

نادر ڕوستی، وتەبێژى دەستەى گەشتوگوزارى هەرێم (24ى تەموزى 2021) بە "ناس کورد"ى ڕاگەیاند، زانیاریە سەرەتاییەکان "ئەوەمان پێدەڵێن نزیکەى 250 هەزار گەشتیار سەردانى هەرێمیان کردووە".


ئاماژەى بەوەش کرد، 90% بۆ 95% ى ئەو گەشتیارانەى هاتوون بۆ شارەکانى هەرێمى کوردستان خەڵکى شارەکانى ناوەڕاست و باشورى عێراق بوون.

پێشتر دەستەکە پێشبینی هەمان ژمارەی گەشتیاریان کرد چونکە "لە جەژنی قوربانی ساڵی 2019دا ژمارەی ئەو گەشتیارانەی کە ڕوویان لە هەرێم کردبوو نزیکەی 240 هەزار بوون".

 

هەرزانی نرخ، کەمی ڕۆتین، کەشوهەوای گەرمی شارەکانیی عێراق و پشووی هاوین، هەموو ئەمانە هۆکاران بۆئەوەی ئەم جەژنە بەراورد بە جەژنی ڕەمەزان، ژمارەی گەشتیاران لەئاستێکی باشدا بێت.

 

لەهەرێمی کوردستان 620 میوانخانە و 360 موتیل و 50 گوندی گەشتیاری بە شێوەیەکی فەرمی تۆمارکراون و هەموو ئەمانە دەتوانن نزیکەی 70 هەزار گەشتیار لەخۆ بگرن، بەڵام ئەو شوێنانەی کە تائێستا تۆمارنەکراون، توانای زیاتریان هەیە دەتوانن زۆر لەو ژمارە زیاتر گەشتیار بگەرنە خۆیان.

 

"لە ڕۆژانی جەژن، چاودێری نرخ لەشوێنە گەشتیارییەکان کراوە، ڕێگریی لە قۆستنەوەی هەل وگرانکردنی نرخەکان دەکرێت، هاوکات لەڕووی تەندروستیشەوە هەماهەنگی تەواومان لەگەڵ وەزارەتی تەندروستی کردووە بۆجێبەجێکردنی ڕێنماییەکانی تایبەت بە بەرگرتن لەپەتای کۆرۆنا"، وتەبێژی دەستەی گەشتوگوزاری هەرێم وادەڵێت.