گه‌ڕان

Shadow Shadow
سیاسه‌تی

منداڵێک لەنێو یەختەکەدا بووە

ڕزگاربوویەکی کوردی سەر یەختە نوقمبووەکە کە هاوسەرەکەی دیارنییە قسە دەکات

2021.07.23 - 15:49
App store icon Play store icon Play store icon
ڕزگاربوویەکی کوردی سەر یەختە نوقمبووەکە کە هاوسەرەکەی دیارنییە قسە دەکات

ناس کورد- 

فیدراسیۆنی سەراسەری پەنابەرانی عێراق - کوردستان ڕزگارکردنی 37 کۆچبەری ڕاگەیاند کە زۆرینەیان کوردن و یەکێکیان دەڵێت، هاوسەرەکەی تەمەنی 32 ساڵە و چارەنوسی نادیارە، فدراسیۆنەکە دەشڵێت، منداڵێک لەنێو پەنابەرەکاندا بووە و ڕزگارکراوە.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا فدراسیۆنی سەراسەری پەنابەرانی عێراق - کوردستان ڕایگەیاند، "بە هاوکاری لەگەڵ پۆلیسی ئێشگری دەریایی یۆنان 37 پەنابەر لەو 45 پەنابەرەی یەختەکەیان ژێرئاو کەوت ڕزگارکراون و هێشتا چارەنوسی هەشی پەنابەری تر نادیارە." 

 

ئاماژەی بەوەشکردووە، "پەنابەر ڕزگارکراون بەشێکیان لە نەخۆشخانەی دوورگەی کریتی یۆنانن ماونەتەوە، لەنێو پەنابەرەکاندا زیاتر لە چوار ژن و یەك منداڵی تیدا بووە و منداڵەکە رزگارکراوە." 

 

ئەوەش هاتووە، هاوسەری یەکێك لە پەنابەرە کوردە نادیارەکان وتوویەتی، " خیزانەکەم  بەناوی ( ب ، ئــ ، ح ) تەمەنی 32 ساڵە و  چارەنووسی نادیارە". 

 

ئەو بەلەمەی کە 45 پەنابەرەکەی لە خۆگرتبوو کە لە ئەنتاڵیاوە بۆ گەیشتن بە ئیتاڵیا بەڕێکەوتبوو، بەڵام دوێنێ ئیوارە ڕێکەوتی 22ی تەموز بە دووری 161 میل لە ڕۆژئاوای ناوچەی کاش سەر بەشاری ئەنتاڵیاوە بەدووری 60 میل لە دوورگەی کریت ژێر ئاو کەوتووە. 

 

بەپێی وتەی کەسوکاری پەنابەرەکان و خودی پەنابەرە رزگاربووەکان ژمارەیان 45 پەنابەربووە و زۆرینەیان کوردن و زیاترینیشیان خەڵکانی دەڤەری ڕاپەڕینن.