گه‌ڕان

Shadow Shadow
سیاسه‌تی

شێفەكەی سەدام حسێن بیرەوەرییەكانی دەگێڕێتەوە

2021.07.22 - 23:44
App store icon Play store icon Play store icon
شێفەكەی سەدام حسێن بیرەوەرییەكانی دەگێڕێتەوە

ناس كورد-

 

نووسەری هۆڵەندی زابلوفسكی لە كتێبی "لەسەر خوانی دیكتاتۆر" گفتوگۆی لەگەڵ پێنج شێفدا كردووە كە هاوەڵی دیكتاتۆرەكانی جیهان بوون و یەكێك لەوانەش شێفی سەدام حسێنە لەگەڵ شێفەكانی عید ئەمینی سەرۆكی ئۆغەندا و فیدڵ كاسترۆی كۆبا، ئەنوەر خۆجە لە ئەلبانیا و پۆڵ پۆت لە كەمبۆدیا. 

کەناڵی ناس کورد لە تێلیگرام جۆین بکە   

 

ئەبو عەلی كە تا دوا سات هاوەڵی سەدام بووە لە 2003 و شێفی تایبەتی دیكتاتۆری پێشووی عێراق بووە لە یاداشتەكانیدا كە "ناس كورد" بینیویەتی (22 تەمموزی 2021) باس لەوە دەكات لە وەزارەتی گەشتوگوزار ناسیوویەتی پاشان بانگهێشتی كردووە بۆ كۆشك تا بچێتە ڕیزی شێفەكانیتر، دواتر بووە بە ئاشپەزی سەرەكی.

 

بەقسەی ئەبو عەلی زەوقی سەدام قورس بووە كە خواردنی بەدڵ نەبوایە ڕەخنەی دەگرت لە شێفەكان، ئەگەریش خۆش بووایە خەڵاتی دەكردن. 

 

هەروەها باس لەوەش دەكات بەر لەوەی نان بخوات دەبوو شێفەكان تاقی بكەنەوە نەكا ژەهری تێدابێت. لەبارەی خواردنە پەسەندكراوەكانیشییەوە دەڵێت سەدام زیاتر حەزی لەخواردنی عێراقی بوو؛ ماسی برژاو (مەسكوف)، شلەی ماسی، شلەی نیسك، بامێ.

 

لەبارەی كۆتا خواردنی سەدامیشەوە ئەبو عەلی دەڵێت "ئەو ڕۆژەی گرتیان لە چاڵەكە باسترمەی لابوو".