گه‌ڕان

Shadow Shadow
سیاسه‌تی

شیكار: دوای لاهور جەنگی سێ پرس ڕووبەڕووی یەكێتی دەبنەوە 

2021.07.22 - 22:03
App store icon Play store icon Play store icon
شیكار: دوای لاهور جەنگی سێ پرس ڕووبەڕووی یەكێتی دەبنەوە 

ناس کورد-

 

شیكارێك لە ڕۆژنامەیەكی قەتەری كە عومەر شێخ موسی ئەندامی دەستەی دامەزرێنەری یەكێتی شێری كردووەتەوە، باس لەوە دەكات لە ڕووداوەكانی یەكێتیدا گەڕانەوە بۆ دواوە نییە و لەپاش لادانی لاهور شێخ جەنگیش یەكێتی لەبەردەم سێ وێستگەدایە. 

کەناڵی ناس کورد لە تێلیگرام جۆین بکە   

 

شیكارەكە كە نوسەری رۆژئاوایی، شۆڕش دەروێش نووسیویەتی و "ناس كورد" خوێندنەوەی بۆ كردووە (22 تەمموزی 2021) باس لەوە دەكات لەپاش لاهور شێخ جەنگی سێ وێستگە لەبەردەم یەكێتیدایە: ئەگەری لەتبوون و جیابوونەوە بەدواشیدا پەرتەوازەبوونی گۆڕان و یەكێتی. دووەمیش خستنەگەڕی پەیوەندییە هەمەلایەنەكانی قوباد و بافڵ لەگەڵ ئەمەریكا و ئێران و بەغدا هەروەها لەگەڵ ماڵی بارزانی و سەركردە دێرینە یەكێتییەكانی یەكێتی بەمەبەستی قەرەبووكردنەوەی ئەو بنكە جەماوەرییە دژە پارتییەی لەگەڵ لاهور شێخ جەنگیدابوون. سێیەمیش پێویستی بەكارهێنانی هەندێك زبرییە بۆ چەسپاندنی دۆخی نوێ ئەمەش بۆ ناوبانگی یەكێتی باش نییە. 

 

شیكارەكە پێیوایە چیتر سەردەمی بەخشینەوە لەیەكێتی لاواز دەبێت و كەسە نزیكەكانی لاهور شێخ جەنگی خۆیان دەگونجێنن لەگەڵ دۆخی نوێ و پراگماتیزم زاڵ دەبێت بەسەر هەنگاوەكانی یەكێتی لە سەردەمی بافڵ تاڵەبانیدا.

 

لاهوری شێخ جەنگی هاوسەرۆكی یەكێتی كە 15 تەمموز ڕازی بوو دەستبەرداری دەسەڵاتەكانی ببێت، لە پەیام و ڕوونكردنەوەكانیدا هۆكارەكەی دەگێڕێتەوە بۆ "پلانگێڕی دەرەكی و كودەتا". هەروەها بەڕاشكاوی تۆمەتی ئاراستەی توركیا و پارتی كردووە، باسی لەوەشكردووە شەرعیەتی كۆنگرەی هەیە و هاوسەرۆكی یەكەمە، لەپێناو پاراستنی ئارامی و ئۆقرەیی پەنای بۆ بەكارهێنانی هێز نەبردووە و بڕوای بەڕاڕەوی حیزبی هەیە بۆ یەكلاییكردنەوەی كێشەكان لە پێناو رێگەگرتن لە خوێنڕژان.