گه‌ڕان

Shadow Shadow
سیاسه‌تی

گومرگى هەرێم قسەى نوێ لەسەر قاچاخچێتى لە دەروازەکان دەکات

2021.07.22 - 19:43
App store icon Play store icon Play store icon
گومرگى هەرێم قسەى نوێ لەسەر قاچاخچێتى لە دەروازەکان دەکات

ناس کورد-

 

بەڕێوەبەرى گومرگى هەرێم رایگەیاند، قاچاخچێتى لەدەروازە سنورییەکان زۆر کەمبووەتەوە، بەڵام هێشتا بەتەواوى بنەبڕ نەکراوە.

 

کەناڵی ناس کورد لە تێلیگرام جۆین بکە   

 

ساماڵ عەبدورەحمان بەڕێوەبەرى گومرگى هەرێم، (22ى تەمموزى 2021) بە "ناس کورد" ى ڕاگەیاند "لە ئێستادا قاچاخچێتى زۆر کەم بوەتەوە، بەڵام هەرماوە و بنەبڕنەکراوە چونکە سروشتى سنور وایە کارى یاسایشى تێدا دەکرێت و قاچاخچێتیش".

 

لەچەند رۆژى رابردوودا چەند کۆبوونەوەیەک بەسەرپەرشتى جێگرى سەرۆکى حکومەتى هەرێم لەگەڵ بەرپرسانى ئیدارى ناوچە جیاجیاکان ئەنجامدرا، کە بەشێکى پەیوەست بوو بە نەهێشتنى قاچاخچێتى لەدەروازە سنورییەکان.

 

عەلى حەمەساڵح ئەندامى پەرلەمانى کوردستان ئەمڕۆ رایگەیاند، دوێنێ شەو بەدواداچونى كردووە و بۆی دەرکەوتووە کە قاچاغی لە باشماخ كەمیكردووە، بەڵام تەواو ڕانەگیراوە.  

  

عەلى حەمە ساڵح لە بڵاوکراوەیەکدا ئەمڕۆ پێنج شەممە ئاماژەى بەوەکرد "ئێستا فڕۆکەخانە باشە، دوێنێ شەو بەدواداچونم کرد باشماخیش کەمی کردووە، بەڵام تەواو ڕانەگیراوە. ئێستا ناتوانین حوکمی تەواو بدەین و دوو بۆ سێ حەفتەی دیکە".  

  

دەشڵێت "ئەگەر پێشتر ھەموویان بون، بەڵام لەمەودوا ھەرچی ڕوبدات یەک ئاراستە لێی بەرپرسە، ناتوانم گەرەنتی بدەم ڕادەگیرێت، بەڵام گەرەنتی ئەوەدەدەم ھەرکەس بیکات بەجدی بەرھەڵستی دەکەین".