گه‌ڕان

Shadow Shadow
سیاسه‌تی

بەپەلە

وادەى دەستبەسەرداگرتنى ئۆتۆمبێلى بێسەرەتا و جامڕەش و چەکى بێمۆڵەت ئاشکراکرا

2021.07.22 - 13:31
App store icon Play store icon Play store icon
وادەى دەستبەسەرداگرتنى ئۆتۆمبێلى بێسەرەتا و جامڕەش و چەکى بێمۆڵەت ئاشکراکرا

ناس کورد-

 

پۆلیس و هاتوچۆى سلێمانى، ڕۆژى یەکشەممەیان دیاریکرد بۆ هەڵمەتى دەست بەسەرداگرتنى ئۆتۆمبێلى بێسەرەتا و جامڕەش و چەکى بێمۆڵەت.

کەناڵی ناس کورد لە تێلیگرام جۆین بکە   

 

سەرکەوت ئەحمەد وتەبێژى پۆلیسى سلێمانى پێنجشەممە (22ى تەموزى 2021) بە "ناس کورد" ى ڕاگەیاند "ڕۆژى یەکشەممە (25ى تەموزى 2021) پۆلیس و هاتوچۆى سلێمانى بە هاوبەشى بازگە دادەنێن لە شارى سلێمانى و دەوروبەرى بۆ دەست بەسەرداگرتنى ئۆتۆمبێلى بێسەرەتا".

 

ئاماژەى بەوەش کرد، ئەو هەڵمەتە بۆ چەکى بێ مۆڵەت و ئۆتۆمبێلى جام ڕەش و سەرپێچى دیکەشە. 

 

بەپێی ئامارە نافەرمییەکان، ژمارەى ئەو ئۆتۆمبێلانە نزیکەى 20 هەزار ئۆتۆمبێل دەبن کە بەزۆرى لەسنورى پارێزگاى سلێمانین و لەچەند مانگى رابردوودا بەشێوەى قاچاخ هاوردە کراون.  

 

پێشتر چەند بڕیارێک لەبارەى ئەو ئۆتۆمبێلانەوە دەکرا بۆ دەستبەسەرداگرتنیان بەڵام جێبەجێنەکران، دواتیش هاتوچۆ بەفەرمى سەرژمێرى ئۆتۆمبێلەکانى کرد، بەبێ ئەوەى ژمارەیان پێبدات. 

 

بەشێک لە خاوەنى ئەو ئۆتۆمبێلانە ئەمڕۆ دووشەممە (19ی تەموزی 2021) لە کۆنگرەیەکى ڕۆژنامەوانیدا لە سلێمانى کە پەیامنێرى "ناس کورد" تێیدا ئامادەبوو بڕیارەکەیان ڕەتکردەوە و داوایان کرد پێداچوونەوەى پێدا بکرێت.  

 

بەپێی بڕیارەکە کە یەکشەممە ڕاگەیەنرا، پێنج ڕۆژ مۆڵەت دەدرێت بەخاوەنى ئەو ئۆتۆمبێلانە بۆ ئەوەى ئۆتۆمبێلەکانیان لەناو ببەن، یان چارەسەرى دیکەى بۆ بدۆزنەوە، لەدواى ئەوە دەستیان بەسەردا دەگیرێت.  

 

 دیارترین جۆرى ئەو ئۆتۆمبێلانە لەجۆرى کراونە کە بە مەلیکە ناودەبرێت و بەگشتى مۆدێلەکانیان لەخوار مۆدێلى رێگەپێدراوەویە بۆ هاوردەکردنى ئۆتۆمبێل بەشێوەى یاسایی.  

 

خاوەنى یەکێک لەو ئۆتۆمبێلانە کە بە نوێنەرى شۆفێرەکانى دیکە قسەیکرد وتى لەدوێنێ وە کە بڕیارەکە دەرچووە، پێنج بۆ 10 وەرەقە لە بەهاى ئەو ئۆتۆمبێلانە دابەزیوە و خاوەنەکانیان ترسیان هەیە دەستبەسەر ئۆتۆمبێلەکانیاندا بگیرێت.  

 

وتیشى، "داوادەکەین یان رەقەم یان ئارممان پێبدەن، بۆ ئەوەى بتوانین بەکاریان بهێنین، ئەگەر حکومەت بەبڕیارەکەدا نەچێتەوە هەڵوێستى توندمان دەبێت".