گه‌ڕان

Shadow Shadow
سیاسه‌تی

ئیسرائیل بۆردومانى چڕى پێگەکانى حزبوڵا دەکات لە سوریا

2021.07.22 - 10:18
App store icon Play store icon Play store icon
ئیسرائیل بۆردومانى چڕى پێگەکانى حزبوڵا دەکات لە سوریا

ناس کورد-

 

میدیاى فەرمى سوریا بڵاویکردەوە، هێزەکانى بەرگرى ئاسمانى بەرەبەیانى ئەمرۆ بەرەنگارى هێرشى موشەکى ئیسرائیل بوونەتەوە کە چەند پێگەیەکى سەربازى لە ناوچەى قەسیر لە پارێزگاى حمس بەئامانج گرتووە.

کەناڵی ناس کورد لە تێلیگرام جۆین بکە   

 

ئەو هێرشە ئاسمانییە بەدووەم هێرش دادەنرێت لەماوەى ئەم هەفتەیەدا، دواى کوژرانى پێنج چەکدارى نزیک لە ئێران لەهێرشى یەکەمدا لەپارێزگاى حەلەب.

   

بەپێی ئاژانس فەرمى سوریا، سەرچاوەیەکى سەربازى رایگەیاندووە، سیستەمى بەرگرى سوریا بەرەبەیانى ئەمڕۆ بەرەنگارى موشەکە ئیسرائیلییەکان بوونەتەوە و زۆربەیان تێکشکێنراون و تەنها زیانى مادى هەبووە.

 

لاى خۆیەوە روانگەى سوریا بۆ مافەکانى مرۆڤ رایگەیاند، هێرشەکەى ئیسرائیل پێگە سەربازییەکانى حزبوڵاى لە ناوچەى فڕۆکەخانەى زوبعەى سەربازى و قەسیر بەئامانج گرتووە.

 

ئاماژەى بەوەشکردووە، بەهۆى هێرشەکەوە کۆگاکانى چەک و کەلوپەل لەپێگە بەئامانج گیراوەکان خاپورکراون.