گه‌ڕان

Shadow Shadow
سیاسه‌تی

بەپەلە

بڕیارێکی نوێ لە بافڵ تاڵەبانییەوە

2021.07.22 - 00:13
App store icon Play store icon Play store icon
بڕیارێکی نوێ لە بافڵ تاڵەبانییەوە

ناس کورد- 

بەبڕیاری بافڵ تاڵەبانی سەرجەم ناسنامەکانی پێشووی دژە تیرۆر وەردەگیرێنەوە و ڕادەگیرێن.

کەناڵی ناس کورد لە تێلیگرام جۆین بکە   

 

میدیاکانی یەکێتیی نیشتیمانیی کوردستان (چوارشەممە 22ی تەموزی 2021) بڵاویانکردەوە، "بافڵ تاڵەبانی، هاوسەرۆکی یەکێتیی نیشتمانیی کوردستان بڕیاری لێپێچینەوەی ئەو کەسانەیدا کە بەنایاسایی ناسنامەی دژە تیرۆریان بۆکراوە، سەرجەم ناسنامەکانی پێشووی ئەو هێزەش وەردەگیرێتەوە و ڕادەگیرێت." 

 

ئاماژە بەوەشکراە، "لە بڕیارێکی نوێدا بافڵ تاڵەبانی فەرمانی کردووە، سەرجەم ئەو ناسنامە ساختانەی لەلایەن دژەتیرۆرەوە دەرکراون هەڵبوەشێندرێنەوە و هەرکەسێک بە یاسایی لەدەزگای دژەتیرۆر کارمەند نەبووبێت و سودمەند بووبێت لە زەوی و ئۆتۆمبێل و چەک، بۆ مەرامی شەخسی و یاساشکێنی ئیمتیازاتی پێدرابێت لێی وەربگیرێتەوە." 

 

هەر بەپێی بڕیارەکەی هاوسەرۆکی یەکێتی، هەرکەسێکیش پابەند نەبێت ڕوبەڕووی دادگا دەکرێتەوە.

 

میدیاکانی یەکێتی دڵێن، "ئەمە لەکاتێکدایە بەبڕیاری چەند کەسێک زیاتر لە 12 هەزار ناسنامەی دژەتیرۆر بەنایاسایی دروستکراوە، کە بۆ مەرامی تایبەتی و چەندین کاری نایاسایی و یاساشکێنی بەکارھێنراون." 

 

لە بڵاوکراوەکەدا هاتووە، "بڕیارەکەی هاوسەرۆکی یەکێتی ئاماژە بۆ ئەوە دەکات، کە ناسنامەی نوێ بە دیزاینێکی نوێ بۆ ھێزەکانی دژتیرۆر دروست دەکرێت و سەرجەم ئەو ناسنامانە پێشتر وەردەگیرێتەوە و ڕادەگیرێت."