گه‌ڕان

Shadow Shadow
سیاسه‌تی

زانیارى زیاتر

میدیاى بافڵ تاڵه‌بانی بۆ لاهور جه‌نگی: کەسی سەربازیت لەگەڵ نەماوە

2021.07.20 - 17:57
App store icon Play store icon Play store icon
میدیاى بافڵ تاڵه‌بانی بۆ لاهور جه‌نگی: کەسی سەربازیت لەگەڵ نەماوە

ناس کورد-

میدیاى بافڵ تاڵەبانى نەبوونى هیچ کاردانەوەیەک لەلایەن لاهور شێخ جەنگى لە ململانێکانى ئەم دواییەدا بۆ نەمانى هیچ بەرپرس و سەرکردەیەکى سەربازیى یەکێتى لەگەڵ لاهور شێخ جەنگى، دەگەڕێنێتەوە.

 

کەناڵی ناس کورد لە تێلیگرام جۆین بکە   

 

ماڵپەرێكی سەر بە بافڵ تاڵەبانى (20ى تەموزى 2021) لە سەرچاوەیەکى باڵاى یەکێتییەوە بڵاوى کردەوە "نەبوونی هیچ كاردانەوەیەك لەلایەن لاهور شێخ جەنگییەوە بەهۆی ئەوەیە كە هیچ بەرپرس و سەركردەیەكی سەربازیی یەكێتیی لەگەڵ نەماوە، لە ئەنجومەنی سەركردایەتیشدا كەمینەیەك نەبێت، كەسی لەگەڵ نەماوە".

 

ماڵپەرەکە ئاماژە بە پەیامى شەوى رابردووى لاهور شێخ جەنگى دەدات و ئاماژە بەوە دەکات کە نەبوونى کاردانەوەى ئەو بۆ دروستنەبوونى گرژى و ئاڵۆزى و زیاننەگەیاندن بە یەکێتى نەبووە، بەڵکو بە وتەى سەرچاوە باڵاکەى یەکێتى "نەبوونی كاردانەوە پەیوەندیی بەوەوە هەیە، كە هەموو هەوڵەكانی بۆ كۆكردنەوەی پشتگیری شكستیانهێناوە".

 

ماڵپەرەکە رونیکردۆتەوە کە "لاهور شێخ جەنگی هەوڵی كۆكردنەوەی فەرماندە سەربازییەكانی یەكێتیی داوە و پەیامی بۆ ناردوون، بەڵام كەسیان وەڵامدانەوەیان نەبووە و بێوەڵام هێشتوویانەتەوە، بۆیە ئێستا هیچ فەرماندە و سەركردەیەكی سەربازیی لەگەڵ نەماوە".

 

بەگوێرەى ماڵپەرەکە سەرچاوەکە جەختى لەوە کردۆتەوە کە "نەك هەر فەرماندە و سەركردە سەربازییەكان، بەڵكو لەناو ئەنجومەنی سەركردایەتیی یەكێتیشدا ئەندامانێكی زۆر كەمی ئەنجومەنەكە لەگەڵ لاهور شێخ جەنگیدا ماون، كە سەرچاوە باڵاكە بە “كەمینەیەكی زۆر كەم” ناوی بردن".

 

شەوی جەژن (19 تەمموزی 2021) لاهور شێخ جەنگی پەیامێكی ڤیدیۆیی بڵاوكردەوە و جەختی لەوەكردەوە بەشێوەیەكی كاتی دەستبەرداری هاوسەرۆكی بووە بۆ "هاوسەرۆكی دووەم" تا هەمواركردنەوەی پەیڕەوی ناوخۆ، هەروەها باسی لەوەكرد لەپێناو ئارامی و ئۆقرەیی پەنا بۆ هێز نابات لەیەكلاییكردنەوەی كێشەكان و باسی لەوەشكرد مەرجی هەیە كە لیژنەی لێكۆڵینەوە پێكبهێنرێت لەسەر ئەو تۆمەتانەی ڕووبەڕووی كراونەتەوە.

 

دواى هەفتەیەك لەڕووبەڕووبونەوەی سیاسی و میدیایی هاوسەرۆكانی یەكێتی لاهور شێخ جەنگی پاش لەدەستدانی دەزگا میدیایی و پێگە ئەمنییەكانی ژێر دەسەڵاتی، ئێوارەی 15 تەمموز لەمەكتەبی سیاسی یەكێتی ڕازی بوو دەستبەرداری "تێكڕای دەسەڵاتەكانی" ببێت بۆ بافڵ تاڵەبانی هاوسەرۆكی یەكێتی. بریاریشە لە چەند ماوەی داهاتوودا پەیڕەوی ناوخۆی یەكێتی هەمواربكرێتەوە و لە سیستمی هاوسەرۆكییەوە بكرێتە یەك سەرۆكی بۆ بافڵ تاڵەبانی.