گه‌ڕان

Shadow Shadow
سیاسه‌تی

قەرەیلان: هێشتا هێزەکانی پارتى نەکشاونەتەوە و دۆخەکە مەترسیدارە

2021.07.19 - 14:51
App store icon Play store icon Play store icon
قەرەیلان: هێشتا هێزەکانی پارتى نەکشاونەتەوە و دۆخەکە مەترسیدارە

ناس کورد-

 

موراد قەرەیلان ئەندامی کۆمیتەی بەڕێوبەریی پەکەکە ڕایدەگەیەنێت، هێشتا هێزەکانی پارتى لە هەرێمەکانی گەریلا نەکشاونەتەوە، بۆیە دۆخە مەترسیدارەکە تێنەپەڕیوە.

کەناڵی ناس کورد لە تێلیگرام جۆین بکە   

 

قەرەیلان لە چاوپێکەوتنێکدا لەگەڵ ئاژانسی فوراتى سەر بە پەکەکە ئاماژەى بەوەکرد، بەهۆى نەکشانەوەى هێزەکانى پارتى یەوە  و هەمیشە گومانی ئەوە هەیە، کە لە شوێنێک هەڵەیەک ڕووبدات.

 

هەروەها لەبارەى قسەیەکی جەمیل بایک کە چوارشەمەی ڕابردوو وتی بارزانى بە هەندێک کەسی وتووە، کە هێشتاش لەسەر بەڵێنی خۆیەتى کە، کورد بەدەستی کورد نەکوژرێت، قەرەیلان وتی "هاوسەرۆکمان دڵخۆشیی و خۆشحاڵیی خۆی هێنایە زمان، ئەمە چوارچێوەیەکی گرنگ بوو کە منیش بەشداری دەبم".

 

وتیشى "هیوادارین لە هەردوو لاوە لەم بارەوە پێشکەوتن دروست بێت و هەندێک ئەو دۆخە مەترسیدارە بگۆڕێت، یان ئەو شتانەی دەوترێت بە کردەوە نیشانبدرێت، لەسەر ئەمە ئێمە هێشتا چاوەڕوانین".

 

لەبارەى کێشە ناوخۆییەکانى یەکێتییەوە، قەرەیلان وتى "نامانەوێت یەنەکە لەو کێشانە زیان ببینێت، هیوادارین یەنەکە لەو کێشە ناوخۆییانەدا بە عەقلێکی سەلیم، نەک بەلاوازیی، بە بەهێزیی دەربازی بێت”.