گه‌ڕان

Shadow Shadow
سیاسه‌تی

’هەست بەپیلان گێڕیەکی مەترسیدار دەکەین’

دوو بەرپرسى سەربازى یەکێتى نامەیەک ئاراستەى هاوسەرۆکانى یەکێتى دەکەن

2021.07.19 - 12:04
App store icon Play store icon Play store icon
دوو بەرپرسى سەربازى یەکێتى نامەیەک ئاراستەى هاوسەرۆکانى یەکێتى دەکەن

ناس کورد-

دوو بەرپرسى سەربازى یەکێتى نامەیەک ئاراستەى هاوسەرۆک و مەکتەبى سیاسى و ئەنجومەنى باڵاى بەرژەوەندییەکان و ئەنجومەنى سەرکردایەتى یەکێتى دەکەن و ئاماژە بە بوونى "پیلانگێڕی"یەکى مەترسیدار دەکەن لەسەر حزبەکە.

 

کەناڵی ناس کورد لە تێلیگرام جۆین بکە   

 

رائد نەریمان چاوڕەش و مقدم حەسەن ئەحمەد (19ى تەموزى 2021) لە بڵاوکراوەیەکدا نامەیەکیان ئاراستەى ئەنجومەنى باڵاى بەرژەوەندییەکان و هاوسەرۆکان و مەکتەبى سیاسى و ئەنجومەنى سەرکردایەتى یەکێتى کردوە و ئاماژە بەوە دەکەن کە هەست بە پیلانن گێڕییەکى مەترسیدار دەکەن دژى یەکێتى.

 

لەنامەکەیاندا هاتووە "لەبەر پەرۆشیمان نامانەوێ رۆبچینە ناو ئاریشەکان، وەلێ لەوە دڵنیاین مەترسیەکان جدین، چونکە ئێمە لەناو جەماوەری یەکێتی داین".

 

هۆشداریش دەدەن "دەزانین قەبارەی زیانەکانی ئەو کارەساتە چەند گەورەیە، ئەوە هەنگاوی یەکەمە گەر فریای خۆتان نەکەون، دڵنیاتان دەکەینەوە پیلانگێرەکان هەتا وردوخاش کردنی ئێسقانی یەکێتی ناوەستن".

 

دەقى پەیامەکە:

بەڕێز: ئەنجومەنی باڵای بەرژەوەندییەکانی یەکێتی

بەرێز: هاوسەرۆکانی یەکێتی

بەڕێز: مەکتەبی سیاسی یەکێتی

بەرێز: ئەنجومەنی سەرکردایەتی یەکێتی

 

لە ٨ی تەموزەوە پشێوی و ئاڵۆزیەك ڕووی لەناو ماڵی یەکێتی کردووە و جومگە هەستیارەکانی گرتۆتەوە، ئێمە هەست بەپیلان گێڕیەکی مەترسیدار دەکەین لەدژی یەکێتی، لەبەر پەرۆشیمان نامانەوێ رۆبچینە ناو ئاریشەکان، وەلێ لەوە دڵنیاین مەترسیەکان جدین، چونکە ئێمە لەناو جەماوەری یەکێتی داین، دەزانین قەبارەی زیانەکانی ئەو کارەساتە چەند گەورەیە، ئەوە هەنگاوی یەکەمە گەر فریای خۆتان نەکەون، دڵنیاتان دەکەینەوە پیلانگێرەکان هەتا وردوخاش کردنی ئێسقانی یەکێتی ناوەستن، ئەکرێ جیاوازیتان هەبێ لە کارکردن، چونکە یەکێتی لەسەر ئەو بنەمایە دروست بووە، بەڵام پێویستە بەدیالۆگ و لێکتێگەیشتن، دەست لەناو دەست ئاشتەوایی ناو ماڵی یەکێتی تۆکمە بکەنەوە، چارەسەری هەموو کێشەکان بکەن، پێویستە مێژوو و خەباتی تێکۆشەرەکانی یەکێتی لەبەرچاو بگرن، نابێ خوێنی هەزاران شەهید فەرامۆش بکەن، کارێك مەکەن زیان بەر جەستەی یەکێتی بکەوێ، چونکە یەکێتی ئەمانەتی مام جەلالە و لەدەستی ئێوەدایە، یەکێتی موڵکی هەموومانە، بەرگری کردن و بەرپرسیاریەتیش لەئەستۆی هەموومانە، گەر بەرپرسانە مامەڵە نەکەن، دواتر بەرپرسیار دەبن لەبەردەم مێژوودا، لەبەرئەوەی چارەنووسی یەکێتی، چارەنووسی هەموو گەلی کوردە...

لەگەڵ ڕێز

رائد نەریمان چاوڕەش

مقدم حەسەن ئەحمەد