گه‌ڕان

Shadow Shadow
سیاسه‌تی

بەپەلە

لەدوای ڕێککەوتنەکەی ’’ئۆپێک+’’ نرخی نەوت ڕووی لە دابەزین کرد

2021.07.19 - 08:32
App store icon Play store icon Play store icon
لەدوای ڕێککەوتنەکەی ’’ئۆپێک+’’ نرخی نەوت ڕووی لە دابەزین کرد

ناس کورد-

لەدوای کۆبوونەوەکەی ڕێکخراوی "ئۆپێک+" و ڕێککەوتن لەسەر زیادکردنی بەرهەم، سەرلەبەیانی ئەمڕۆ دووشەممە نرخی نەوت ڕووی لە دابەزین کرد و بۆ هەر بەرمیلێک نزیکەی %1ی نرخەکەی لەدەستدا.

کەناڵی ناس کورد لە تێلیگرام جۆین بکە   

 

بەگوێرەی ماڵپەڕی "Oil Price"ی تایبەت بە نرخی نەوت، ئەمڕۆ دووشەممە 19ی تەموزی 2021، بەرمیلێک نەوتی خاوی برێنت بەرامبەر 72 دۆلار و 88 سەنت مامەڵەی پێوەدەکرێت و نزیکەی %1ی نرخەکەی لەدەستداوە.

 

هاوکات نرخی بەرمیڵێک نەوتی خاوی ئەمەریکی بەرامبەر 71 دۆلار و 10 سەنت مامەڵەی پێوەدەکرێت و بەهەمانشێوە ئەویش بەڕێژەی %1 نرخەکەی دابەزیوە.

 

ئەوەش لەکاتێکدایە، ڕێکخراوى "ئۆپێک+" ڕێککەوتنێکى نوێیان کرد بۆ زیادکردنى بڕى بەرهەمهێنانى نەوت و بەپێى ڕێککەوتنەکە، لە مانگى داهاتووەوە تا کۆتایى ئەمساڵ قۆناغ بە قۆناغ بەرهەمهێنانى نەوت زیاد دەکرێت و ڕێککەوتنەکەش تا کۆتایى ساڵى 2022 بەردەوام دەبێت، هەموو مانگێک 400 هەزار بەرمیل لە هەناردەى ڕۆژانە زیاد دەکرێت و ئەو زیادەیەش بەسەر وڵاتەکاندا دابەش دەکرێت.