گه‌ڕان

Shadow Shadow
سیاسه‌تی

وردەکاریى

وەزیرى نەوتى عێراق: بازاڕى نەوت باشبوونى بەخۆیەوە بینیوە

2021.07.18 - 23:43
App store icon Play store icon Play store icon
وەزیرى نەوتى عێراق: بازاڕى نەوت باشبوونى بەخۆیەوە بینیوە

ناس کورد-

وەزیرى نەوتى عێراق دەڵێت، بازاڕى نەوت باشبوونى بەخۆیەوە بینیوە و خواست لەسەر نەوت زیادى کردووە، هەروەها نەوتى عەمبارکراویش کەمبووەتەوە.

 

 

کەناڵی ناس کورد لە تێلیگرام جۆین بکە   

 

ئیحسان عەبدولجەبار وەزیرى نەوتى عێراق (18ى تەموزى 2021) لە پەراوێزى کۆبوونەوەى ڕێکخراوى ئۆپێک ئاماژەى بەوە داوە، لە ڕێکەوتنى "ئۆپێک+" بڕیاردراوە کە بەرهەمهێنانى نەوت زیاد بکرێت، ئەویش لە مانگى داهاتووەوە.

 

ڕونیشیکردووەتەوە، لە کۆبوونەوەکەدا جەخت لە بەهێزکردنى هاریکارى بە کۆمەڵ کراوە و ستایشى پابەندبوونى دەوڵەتان بە ڕێکەوتنەکانەوە کراوە، هەروەها باس لەو پێشکەوتنە ئیجابییە کراوە لە خواست لەسەر نەوت بەدی هاتووە، ئەوەش سەرەڕاى ئەوەى نەوتى عەمبار کراو کەمی کردووە، ئەوەش ئاماژەیەکى ئیجابى کاریگەرە.

 

ڕێکخراوى "ئۆپێک+" ڕێکەوتنێکى نوێیان کرد بۆ زیادکردنى بڕى بەرهەمهێنانى نەوت و بەپێى ڕێککەوتنەکە، لە مانگى داهاتووەوە تا کۆتایى ئەمساڵ قۆناغ بە قۆناغ بەرهەمهێنانى نەوت زیاد دەکرێت و ڕێککەوتنەکەش تا کۆتایى ساڵى 2022 بەردەوام دەبێت، هەموو مانگێک 400 هەزار بەرمیل لە هەناردەى ڕۆژانە زیاد دەکرێت و ئەو زیادەیەش بەسەر وڵاتەکاندا دابەش دەکرێت.