گه‌ڕان

Shadow Shadow
سیاسه‌تی

ئەنقەرە دڵخۆشە

پێشبینی ڕاپۆرتێكی ئەمەریكی بۆ یەكێتی لەپاش لاهور جەنگی

2021.07.18 - 21:58
App store icon Play store icon Play store icon
پێشبینی ڕاپۆرتێكی ئەمەریكی بۆ یەكێتی لەپاش لاهور جەنگی

ناس کورد-

 

هێشتا بەتەواوى کاریگەرییەکانى دواى رۆیشتنى لاهور تاڵەبانى لەجومگەکانى دەسەڵات لەناو یەکێتیدا دیار نییە، بەڵام پێشبینیدەکرێت سودمەندى سەرەکى ئەو دۆخە قوباد تاڵەبانى بێت، ئەوەش بەپێی راپۆرتێکى پێگەى ئەلمۆنیتەرى ئەمریکى.

کەناڵی ناس کورد لە تێلیگرام جۆین بکە   

 

بەپێی راپۆرتەکە كە عەنبەرین زەمان ئامادەی كردووە و "ناس كورد" وەریگێڕاوە (18 تەمموزی 2021)، هێشتا زووە بوترێت ڕۆیشتنی لاهور تاڵەبانی چ کاریگەریەکی درێژخایەنی دەبێت، یان بەڕاستی هەمیشەییە، بەڵام سودمەندى راستەوخۆ قوباد تاڵەبانى برای بچوکی بافل تاڵەبانییە کە لەحکومەتی هەرێمی کوردستان وەک جێگری سەرۆکی حکومەت کار دەکات. 

 

ئاماژە بەوەشکراوە، پەیوەندییە نەرمەکانى لەگەڵ بارزانییەکان و فراوانتر لەگەڵ حکومەتەکانی ڕۆژئاوا و ئێران، قوباد تاڵەبانی دەکات بە هاوپەیمانێکى بەنرخ بۆ مەسرور بارزانى.

 

لاهور جەنگى، لە ماوەی چەند هەفتەی ڕابردوودا بە شێوەیەکی کاریگەر لە بەرژەوەندی بافڵ تاڵەبانی ئامۆزای، دەسەڵاتی لێ وەرگیرایەوە کەسە نزیکەکانى وەک لێپرسراوی یەکەکانی هەواڵگری و دژە تیرۆر لە پۆستەکانیان دوورخرانەوە، دەزگا ڕاگەیاندنەکانى داخران و دەستبەسەر کۆمپانیاکانیدا گیرا، ئەو جوڵانە بەکودەتایەکی بێ خوێن وەسفکراوەو دەوترێت کە لەلایەن ڕکابەری گەورەی یەکێتیەوە کە پارتی دیووکراتی کوردستانە پشتیوانی لێکراوە، ئەوەش بەپێى راپۆرتەکە.

 

لاهور جەنگى پەنجەی تۆمەتى ئاڕاستەى پارتی دیموکراتی کوردستان و تورکیا کردووە لەو هەنگاوەدا خێرایەدا کە لەرێگەیەوە لەدەسەڵات خرا.

 

لەراپۆرتەکەدا ئاماژە بەوەکراوە، ئەنقەرە بە ڕوونی لە هەڵگەڕانەوە و ڕووداوەکان دڵخۆشە ئاژانسی هەواڵی ئەنادۆڵوی سەر بە دەوڵەتی تورکیا پێشبینی ئەوەی کرد کە چەسپاندنی زیاتری دەسەڵاتی بافڵ تاڵەبانی "نەک تەنها ڕێگر دەبێت لەوەی حکومەتی ناوەندی عێراق سود لە دابەشبوونەکانی نێوان پارتی و یەکێتی وەربگری، بەڵکو کاریگەری ئێرانیش لە ناوچەکەدا تا چەند پلەیەک کەم بکات".

 

سەرەڕاى ئەوە تورکیا چاوى لەوەیە ئەو گۆڕانکارییە پەیوەندییەکانى یەکێتى لەگەڵ پەکەکە سارد بکاتەوە، لەکاتێکدا لاهور جەنگى بەوە ناسرابوو کە پەیوەندى لەگەڵ ئەو پارتە هەیە و کارئاسانیان بۆ دەکات.

 

سەرچاوەکانی حکومەتی هەرێمی کوردستان باس لەوە دەکەن گەریلاکانى پەکەکە چاودێری پزیشکیان بۆ دابینکراوە و رێگەیان پێدراوە لە ڕێگەی سلێمانیەوە بەرەو بارەگای خۆیان لە چیاکانی قەندیلی هاوسنوری ئێران هاتوچۆ بکەن.

 

لەراپۆرتەکەدا پرسیارى ئەوە وروژێنراوە کە ئایا بافل تاڵەبانی دژی پەکەکە دەجوڵێتەوە؟ "دیارە ئەوە پێشبینی ئەنقەرە و پارتی دیموکراتی کوردستانە". 

 

بافڵ تاڵەبانی و قوباد تاڵەبانی و میدیاكانی یەكێتی سەر بەماڵی تاڵەبانی بە راستەوخۆ و ناڕاستەوخۆ، بەرەی لاهور شێخ جەنگی تۆمەتباردەكەن بە قاچاخچێتی و قۆرخكردنی بازاڕ، بەكارهێنانی ژێرخانی یەكێتی بۆ مەرامی كەسی، لەگەڵ بەكارهێنانی پێگەی ئەمنی بۆ دەستوەردان لە كاروباروی سیاسی، لەبەرامبەریشدا لاهور شێخ جەنگی ڕكابەرەكانی تۆمەتبار دەكات بەپیلانگێڕی و بەكارهێنانی پارتی و توركیا بۆ لادانی لە پۆستەكەی، ئۆرگانە فەرمییەكانی یەكێتیش تا ئێستا بەفەرمی هیچیان لەسەر كێشەی هاوسەرۆكەكانیان نەخستووەتەڕوو.