گه‌ڕان

Shadow Shadow
سیاسه‌تی

ڤیدیۆکەى ببینە

نرخی ئاژەڵ چۆنە و قوربانی چەندی تێ ئەچێت؟

2021.07.18 - 11:48
App store icon Play store icon Play store icon
نرخی ئاژەڵ چۆنە و قوربانی چەندی تێ ئەچێت؟

ناس کورد-

ئاژەڵدارانى کوشتارگەکەى سلێمانى ڕایدەگەیەنن، بۆ جەژنى قوربانى ئەمساڵ نرخى گۆشت گرانترە بەڵام چاوەڕێ دەکرێت پێشوازى خەڵکیش بۆ قوربانیکردن لەساڵى پار زیاتر بێت.

کەناڵی ناس کورد لە تێلیگرام جۆین بکە   

 

سەرهەنگ محەمەد، یەکێک لە خاوەن ئاژەڵەکان لە کوشتارگەى سلێمانى بە "ناس کورد"ى ڕایگەیاند، "بۆ ئامادەکارییەکانى ئەم جەژنە هەر خاوەن ئاژەڵە و بڕى جیاجیاى ئاژەڵى بۆ سەربڕین هێناوە ئیدى کەسى وا هەیە 20 ئاژەڵ و تا 50 و 70 ئاژەڵیشى هێناوە".


وتیشى، "پێدەچێت لەچاو ساڵانى ڕابردوو ئەمساڵ بازاڕى فرۆشى گۆشت باشتر بێت و لە دووەم ڕۆژى جەژنى قوربانەوە زیاتر دەبێت".

 

لەبارەى نرخەکانەوە ئاماژەى بۆ ئەوەش کرد، هێشتا نرخەکان بەتەواوى دیارینەکراوە، بەڵام نۆبەن نرخى کیلۆیەکى دەگاتە شەش هەزار و ئاژەڵیش دەگاتە پێنج هەزار و 500 دینار.

 

هەر لە کوشتارگەى ئاژەڵانى سلێمانى خاوەن ئاژەڵێکى تر بۆ ناس کورد وتى، "ئاژەڵى سپى مەڕ و کاوڕ و بەران دەگرێتەوە، ئاژەڵى ڕەشیش بزنە و جوانەگاى ڕەش و سپیش جیاوازى نییە و خەڵکى حەزى بەوەیە گۆشتى پێوە بێ، نرخى کیلۆیەک جوانەگاى مێ بە پێنج هەزارە و نێرەکەش نرخەکەى دەگاتە شەش هەزار."

 


باسى لەوەش کرد، "سەربڕینى جوانەگا بۆ قوربانى بەپێى شەرع دەبێت دوو ساڵى تەواو کردبێت و ئێمە پێدەڵێن شکاو".



لەبارەى گرفتى کوشتارگەکەشەوە سەرهەنگ وتى، "کێشەى شەقامەکەمان هەیە، لاى بەنزینخانەکەى نزیک کوشتارگەکە و لە یەکەم ڕۆژەوە خەڵکى ئاژەڵ دادەنێت و ئەو شەقامەش دەبەسترێت و قەرەباڵغ دەبێت داوا دەکەین ئەوە چارەسەر بکرێت".

لەبارەى جیاوازى نرخەکانەوە لەچاو ساڵى پاردا ئەو خاوەن ئاژەڵە دەشڵێت، "بەڵێ نرخەکەى جیاوازترە و لە 30 % بەرزبووەتەوە، ساڵى پار، نرخى کیلۆیەک گۆشت بە چوار هەزار و 750 دینار بوو بەڵام ئەم ساڵ پێنج هەزار و 500 دینارە و ئەوەش بەهۆى وشکەساڵى و گرانبوونى نرخى جۆ و هۆکارى ترەوە".