گه‌ڕان

Shadow Shadow
سیاسه‌تی

دواین ئامار

لافاوەکەى ئەوروپا لە پەنجا ساڵی ڕابردوودا وێنەی نەبووە

2021.07.18 - 09:45
App store icon Play store icon Play store icon
لافاوەکەى ئەوروپا لە پەنجا ساڵی ڕابردوودا وێنەی نەبووە

ناس کورد-

قوربانیانى زریان و لافاوە سروشتیەکەى ئەوروپا گەیشتووەتە 183 کوژراو و ئەڵمانیاش زۆرترین قوربانى بەرکەوتووە کە 156 حاڵەتی گیانلەدەستدانە.

کەناڵی ناس کورد لە تێلیگرام جۆین بکە   

 

بەپێى ئامارێکى ئاژانسى فرانس پرێس، سەخترین کارەساتە لە نیو سەدەى ڕابردوودا و پۆلیسى ئەو وڵاتەش لە ڕاگەیەنراوێکدا ئەوەى ئاشکرا کرد، 110 کەس تەنها لە ویلایەتى ڕاینلاند بەو هۆیەوە گیانیان لەدەستداوە، بە بەراورد بە زریانەکەى پێشوو کە 98 کوژراوى لێکەوتەوە.

 

ئاماژە بۆ ئەوەش کراوە، بەهۆى بارانێکى بەخوڕەوە کە زۆر شوێنى داپۆشیوە و لافاوى هەستانووە لە ڕۆژى شەممەى ڕابردوودا، کەسێکى تر لە باشوورى ئەڵمانیا گیانى لەدەستداوە.

 

ئەوەش خراوەتە ڕوو، هێشتا سەدان کەس بێسەروشوێنن و ناتوانرێت دەستیان بگاتێ بەهۆى بەرزى لافاوەکەوە کە ڕێگرى دەکات تیمى فریاگوزارى بگەنە شوێنەکان و چەند ناوچەیەکیش بەو هۆیەوە لێکدابڕاون.

 


بۆ بەسەرکردنەوەى ڕوداوەکان، فرانک ڤاڵتەر شتاینمایەر، سەرۆکى ئەڵمانیى سەردانى شارى ئەرفتشتاتى کرد لەویلایەتى نۆرد ڕاین کە لەو ناوچەیەش بەهۆى کارەساتە سروشتیەکەوە 45 کەس گیانیانلەدەستداوە.

 

سەرۆکى ئەڵمانیا ڕاشیگەیاند، "هاوبەشى خەمى ئەوانەین کە هاوڕێیەکیان، کەسێکیان، یاخود خەمبارانى کارەساتەکە، ئەوەى ڕوودەدات دڵمان لەت لەت دەکات".

 

دەسەڵاتدارانى ئەڵمانیا دەڵێن، نزیکەى 700 دانیشتوانى شارى فاسنبۆرگى نزیکى کۆڵۆنیا لەدواى داڕوخانى بەنداوێکى نزیک شارەکەیان شەوى هەینى بەوهۆیەوە ماڵ و حاڵیان بەجێهێشتووە.

 

سەرۆکى ئەڵمانیا باسى لەوەش کرد، خەمڵاندنى ئاستى وێرانکارییەکانى کارەساتەکە ڕەنگە چەند هەفتەیەکیشى پێ بچێت و هەروەها تێچووى نۆژەنکردنەوەى وێرانکارییەکان بگاتە چەندین ملیار یۆرۆ.