گه‌ڕان

Shadow Shadow
سیاسه‌تی

زانیاریی زیاتر

پرسی سەربڕینی مانگا بۆ قوربانیی لە هندستان کێشمەکێشی گەورەی دروست کردووە

2021.07.16 - 21:43
App store icon Play store icon Play store icon
پرسی سەربڕینی مانگا بۆ قوربانیی لە هندستان کێشمەکێشی گەورەی دروست کردووە

ناس کورد- 

بڕیارێکى حکومەتى هندستان بۆ بەشە هندییەکەى هەرێمى کشمیر، لەبارەى سەربڕین لەجەژنى قورباندا موسڵمانەکانى هەرێمەکەى توڕە کردووە و داواى ڕاگرتنى بڕیارەکە لە حکومەتى هندۆسەکان دەکەن.

کەناڵی ناس کورد لە تێلیگرام جۆین بکە   

 

بەگوێرەی ئاژانسى هەواڵى ئاسۆشێتیدپرێس (هەینى 16ى تەمموزى 2021) ناوەڕۆکى بڕیارەکە ئەوەیە کە سەربڕینى ناڕەواى مانگا و گوێڵک و ووشتر و ئاژەڵەکانى تر قەدەغەیە بەپێى یاساکانى ئاژەڵپارێزى هندستان، 

 

ئەوەش ڕوونەکراوەتەوە، بەشێوەیەکى گشتى مانگا لەلاى زۆرینەى هندۆسەکان پیرۆزە و سەربڕین و خواردنى گۆشتەکەى نایاساییە و قەدەغەیە لەسەرتاسەرى هندستاندا.

 

گەرچى قەدەغە کردنى سەربڕینى مانگا بەسەر هەرێمى کشمیردا سەپێنراوە، بەلام گۆشتى مانگا بەشێوەیەکى بەرفراوان لەو ناوچانەى کە زۆرینەى موسڵمانن دەفرۆشرێت.

 

بڕیارەکەى حکومەتى هندستان بەلاى کۆمەڵەى ئەنجومەنە یەکگرتووەکانەوە کە هاوپەیمانێتیەکى سیاسیى حیزبە ئیسلامییە پاکستانیەکانى هەرێمەکەیە، کارێکى زۆرە ملێى و ناپەسەندە.

 

لەڕاگەیەنراوەکەیدا کە لەکاردانەوەى بڕیارەکەدا بڵاویکردووەتەوە، ئەو کۆمەڵەیە ئەوەشى ڕاگەیاندووە، قوربانى کردن لەجەژندا ڕەوایە، بەسەربڕینى مانگاشەوە و ئەوەش پابەندبوونێکى ئاینییە و داواش دەکەن حکومەت بڕیارەکە هەڵبوەشێنیتەوە.

 

ئەو بڕیارە و زۆر کارى هاوشێوەى تر نیگەرانى لاى موسڵمانەکانى کشمیر دروستکردووە بەوەى "حکومەتە پۆپۆلیستیەکەى ناریندرا مۆدى هەوڵى گۆڕینى دیمۆگرافیاى دانیشتوانى هەرێمەکە و ناسنامەکەى دەدات، دواى ئەوەى لەخۆبەڕێوەبەرى لەساڵى 2019 دایماڵیوە و کردوویەتى بەناوچەیەک لەهیندستان."