وەزارەتى ئەوقاف کۆچى دوایى زانا و کەسایەتییەکى ئاینى و کۆمەڵایەتى خۆشناوەتى راگەیاند  

ناس کورد-

وەزارەتى ئەوقاف و کاروبارى ئاینى حکومەتى هەرێمى کوردستان، کۆچى دوایى مامۆستا مەلا عەبدولڕەحمان مەلا محەمەد هەرتەلى، زانا و کەسایەتی ئاینى و کۆمەڵایەتى دەڤەرى خۆشناوەتى، راگەیاند.

 

کەناڵی ناس کورد لە تێلیگرام جۆین بکە   

 

وەزارەتەکە (16ى تەموزى 2021) لە راگەیەندراوێکدا ئاماژەى بەوە کرد "بەرەبەیانی ئەمرۆ ھەینی ١٦ی تەموز، زانا و کەسایەتی ئایینی کۆمەڵایەتی دەڤەری خۆشناوەتی (مامۆستا مەلا عبدالرحمان مەلا محمد ھەرتەلی) بەھۆی نەخۆشی  کۆچی دوایی کرد".

 

لە راگەیەندراوەکەدا وەزارەت پرسە و سەرەخۆشى ئاراستەى مامۆستایانى ئاینى و بنەماڵە و کەسوکارى خوالێخۆشبوو کردووە.