گه‌ڕان

Shadow Shadow
سیاسه‌تی

وردەکاریى

وەزارەتى پەروەردە چەند بڕیارێکى لەبارەى مۆڵەتى بێ موچە دەرکرد

2021.07.16 - 08:17
App store icon Play store icon Play store icon
وەزارەتى پەروەردە چەند بڕیارێکى لەبارەى مۆڵەتى بێ موچە دەرکرد

ناس کورد-

وەزارەتى پەروەردەى حکومەتى هەرێمى کوردستان لە نوسراوێکدا چەند بڕیارێکى لەبارەى مۆڵەتى بێ موچە دەرکرد.

 

کەناڵی ناس کورد لە تێلیگرام جۆین بکە   

 

وەزارەتەکە (16ى تەموزى 2021) لە نوسراوێکدا کە ژمارە (11542)ى لەسەرە چەند بڕیارێکى سەبارەت بە مۆڵەتى بێ موچەى مامۆستایانى قۆناغەکانى بنەڕەتى و ئامادەیى دەرکردووە.

 

لەنوسراوەکەدا ئەم بریارانە لەبارەى مۆڵەتى بێ موچەوە دراوە:

 

 1- لەدوای 21-12-2015 مۆڵەتی بێ مووچەی لە دوو ساڵ تێپەڕ نەبووبێت، واتە لەدوای ئەم رێککەوتە تەنیا مافی دوو ساڵ بێ مووچەی هەیە.

 

2- سەبارەت بە درێژکردنەوەی مۆڵەتی بێ مووچە:

- پێویستە دوای کۆتاییهاتنی ماوەی بێ مووچەکە دەست بە کار بکاتەوە و دووبارە داواکاری پێشکێش بکات بۆ وەرگرتنی مۆڵەت، بەو مەرجەی مافی مۆڵەتی بێ مووچەی مابێت.

 

- بۆ ئەو مامۆستایەی لە دەرەوەی وڵاتە و بەهۆی نەخۆشییەوە ناتوانێت بگەڕێتەوە، پێویستە بە راپۆرتی پزیشکیی ئەو وڵاتەی لێی نیشتەجێیە پشتڕاستبکرێتەوە و دواتر لەلایەن نوێنەرانی حکومەتی هەرێمی کوردستانەوە راستاندنی بۆ بکرێت و دوای پەسندکردنی لەلایەن فەرمانگەی پەیوەندییەکانی دەرەوەی حکومەتی هەرێمی کوردستانەوە دەکرێت مۆڵەتی بێ مووچەی بۆ درێژبکرێتەوە (بەو مەرجەی مافی هەبێت).

 

3- مامۆستای ئافرەت کە لە مۆڵەتی دایکایەتیدایە، مافی هەیە لە ماوەی 10 رۆژ دوای دەستبەکاربوونەوەی داوای مۆڵەتی بێ مووچە بکات؛ بەپێی فۆرمی ژمارە یەک، بەو مەرجەی ئەو مافەی مابێت.

 

4- هۆکاری داواکردنی مۆڵەتی بێ مووچە وەکو لە خاڵەکانی فۆرمی ژمارە 1دا هاتووە، پێویستە لەلایەن داواکارەوە بە روونی ئاماژەی پێبکرێت کە بۆچی مەبەستێک مۆڵەتەکە وەردەگرێت.

 

5- هەڵوەشانەوە و بڕین:

- هەڵوەشاندنەوە کاتێک دەکرێت کە 7 رۆژ بەسەر دەرچوونی فەرمانی وەزاری تێپەڕ نەبووبێت و دەستی لە کار هەڵنەگرتبێت.

 

- بڕینی مۆڵەتەکە لەدوای دەست لە کار هەڵگرتن دەبێت، بە مەرجێک لە 31-12-2021 تێپەڕ نەبووبێت.