گه‌ڕان

Shadow Shadow
سیاسه‌تی

بەپەلە

میدیای یەکێتی ناونیشانی ’’سەرۆکی یەکێتیی’’ لە بافڵ تاڵەبانی کردەوە

2021.07.15 - 21:07
App store icon Play store icon Play store icon
میدیای یەکێتی ناونیشانی ’’سەرۆکی یەکێتیی’’ لە بافڵ تاڵەبانی کردەوە

 ناس کورد-

دوای ئەوەی لە چەند ڕۆژی ڕآبردوودا بافڵ تاڵەبانی خۆی وەک سەرۆکی یەکێتیی نیشتیمانیی کوردستان ناساند و لە میدیاکانی یەکێتیشەوە بە سەرۆک ناوی دەبرا، بەڵام ئەمڕۆ پێنجشەممە میدیاکانی یەکێتی گەڕانەوە بۆ بەکارهێنانی وشەی هاوسەرۆک.

کەناڵی ناس کورد لە تێلیگرام جۆین بکە   

 

ئێوارەی ئەمڕۆ پێنجشەممە 15ی تەموزی 2021، میدیاکانی یەکێتی ڕایانگەیاند، بە بەشداری هەردوو هاوسەرۆک، مەکتەبی سیاسیی یەکێتیی نیشتمانیی کوردستان بۆ چارەسەرکردنی کێشە ئاڵۆزییەکان کۆبووەوە.

 

me_ga.php?id=4275

 

بەکارهێنانی دەستەواژەی "هاوسەرۆک" بۆ بافڵ تاڵەبانی و لاهور شێخ جەنگی لەکاتێکدایە، لە چەند ڕۆژی ڕابردوودا بافڵ تاڵەبانی خۆی بە سەرۆکی یەکێتی ناساند و میدیاکانی یەکێتیش بە سەرۆک ناویان دەبرد.

 

بەگوێرەی ڕاگەیەنراوێکی کۆبوونەوەکە کە میدیاکانی یەکێتی بڵاویانکردووەتەوە، "کۆبوونەوەکە بە مەبەستی ھەنگاونان بۆ چارەسەرکردنی کێشە و ئاڵۆزییەکانی چەند ڕۆژی ڕابردوو بووە، لەو چوارچێوەیەشدا چەند بڕیارێکی گرنگ دران."

 

ئاماژە بەوەشکراوە، "لە کۆبوونەوەکەدا مەکتەبی سیاسیی یەکێتی جەختی لەوەکردەوە، یەکڕیزی یەکێتی و پابەند بوون بەرامبەر بە کەسوکاری شەھیدان و جەماوەرەکەی و خەڵکی کوردستان بە گشتی لە ئەولەویەتی خەباتە."

 

ئەوەش لەکاتێکدایە، لەدوای تێپەڕبوونی چەند ڕۆژێک بەسەر ئاڵۆزییەوە ناوخۆییەکانی یەکێتیدا، ئەمڕۆ پێنجشەممە 15ی تەموزی 2021، لاهور شێخ جەنگی بێدەنگی شکاند و لەگەڵ بەشێک لە لایەنگرانیدا لە هۆتێل لالەزار کۆبووەوە و قسەی لەسەر بابەتەکە کرد.

 

بەشداربوویەکى کۆبوونەوەکە بە "ناس کورد" ى راگەیاند، لاهور جەنگى باسى لەوەکردووە، دواى ئەوەى ئەمڕۆ تۆمەتیان داوەتەپاڵ، ناچارە ئەمشەو دواى پێنج رۆژ بێدەنگى پەیامێک بڵاوبکاتەوە، چونکە ئەگەر ئەوە نەکات رەنگە سبەینێ فەرمانى دەستگیرکردنى بۆ دەربکرێت، جەختیشیکردەوە لەسەر دەستى ئەو ئینشیقاق لەناو یەکێتیدا روونادات. 

 

لاهور شێخ جەنگى باسى لەوەشکردووە، ماوەیەکە ئەردۆغان لەرێگەى بەرپرسانى هەرێم و عێراقەوە پەیامى بۆ دەنێرێت کە لێی قبوڵ ناکات، ئەویش وتویەتى ئەوەى لە رۆژئاواى کوردویەتى شانازى پێوەدەکات "بەڵام بۆ پەکەکە پێم وتوون من هاوکاریم نەکردون، بەڵام ناشتوانم رێگریان لێبکەم". 

 

دەشڵێت، خەمیس خەنجەر پێیوتووە، ئەردۆغان وتویەتى لاهور کۆتایی هاتووە، "منیش پێموت چى دەکەن ساروخم تێدەگرێت، ئەگەر وایە با ساروخەکە کەمێک گەورە بێت بۆ ئەوەى ئازارەکەى کەم بێت". 

 

لەبارەى گۆڕانکاریی پۆستەکانەوە کە کێشەى لێکەوتووەتەوە، بەوتەى بەشداربووى کۆبوونەوەکە لاهور جەنگى وتویەتى "یەکەمجار وتیان گۆڕانکاریی حکومى دواى داواملێکرا وڵات بەجێبێڵم، ئێستاش پێکەنینم بەو داوایە دێت". 

 

ئەوە یەکەم دەرکەوتنى لاهور شێخ جەنگییە لەناو لایەنگرانیدا لەدواى سەرهەڵدانى کێشەکانى لەگەڵ بافڵ تاڵەبانى (8 تەمموزی 2021) کە نزیکەى هەفتەیەکە بەردەوامە و لەمیانەیدا لەلایەن بافڵ تاڵەبانی و میدیاكانی یەكێتییەوە تۆمەتباركراوە بە دانانی سیخوڕ لەماڵی تاڵەبانی و دروستكردنی چەندین پەیجی سۆشیال میدیا و بەهەدەردانی دارایی یەكێتی لە دروستكردنی تۆرێك میدیا بۆ بەرژەوەندی شەخسی، ئەمە جگە لەكاری قاچاخچێتی و قۆرغكردنی بازاڕ و بەكارهێنانی دەزگای ئەمنی بۆ دەستوەردان لە كاروباری سیاسی.