گه‌ڕان

Shadow Shadow
سیاسه‌تی

وردەکاریى

هەنگاوى داهاتووى بافڵ تاڵەبانى ئاشکرا دەکرێت 

2021.07.14 - 21:42
App store icon Play store icon Play store icon
هەنگاوى داهاتووى بافڵ تاڵەبانى ئاشکرا دەکرێت 

ناس کورد-

ميدياى نزیک لە نوسینگەى بافڵ تاڵەبانى بڵاوی کردەوە "بافڵ تاڵەبانى، بەڵێن دەدات کە لە چاکسازیەکان بەردەوام بێت و سلێمانى بکاتە شارە حەیاتەکە و چیتر مافیاکان نەتوانن بە ئارەزووى خۆیان تەراتێن بکەن".

 

کەناڵی ناس کورد لە تێلیگرام جۆین بکە   

 

ماڵپەرى (ئێستا) (14ى تەموزى 2021) لە بڵاوکراوەیەکى ڤیدیۆیدا کە "ناس کورد" بینیوویەتى ئاماژەى بەوە کرد، بافڵ تاڵەبانى دەریخست کە باوەڕێکى قوڵى بە دیالۆگ و چارەسەرى کێشەکان لە ڕێگەى دانوستانەوە هەیە، بەڵام بۆى دەرکەوت کە بێدەنگى چیتر لە بەرژەوەندى خەڵکى کوردستان بەتایبەتى شارى سلێمانیدا نییە.

 

جەختی لەوەش کردووەتەوە "بۆى دەرکەوت ئەگەر بەر بە هەندێک سەرکەشى مەترسیدار نەگیرێت، نەک هەر یەکێتییەکەى مام جەلال و ماندووبوونەکانى، بەڵکو هەموو دەستکەوتەکانى شۆڕش و متمانەى خەڵک و تەنانەت ژیان و گوزەرانیشیان دەکەوێتە مەترسییەوە و ئەوەى دەمێنێتەوە ناوچەیەکى پڕ لە پشێوى و ناسەقامگیر و لە هەمان کاتدا مەنزڵگایەک دەبێت بۆ قاچاخچیانى بێ بەزەیى و ئەو مافیایانەى بۆ گەیشتن بە ئامانجەکانیان لە هیچ شتێک سڵ ناکەنەوە".

 

میدیاکە وا وێناى بافڵ تاڵەبانى دەکات کە سەرۆکێکە کەمتر قسە دەکات و زیاتر باوەڕى بە کردار هەیە و ئاماژە بەوە دەکات کە ئەو بڕیاریداوە شۆڕشێکى چاکسازى دەست پێ بکات و چەند گۆڕانکاریەکى گەورەى لە پۆستە ئەمنییەکان لە پێناو خەڵک و یەکێتیدا ئەنجام داوە و بەڵێنى ئەوەش دەدات کە گۆڕانکاریەکان بەردەوام دەبن و لە ئایندەیەکى نزیکدا دەردەکەوێت کە تا چەند بە قازانجى سلێمانى دەشکێتەوە.

 

ئەوەش هاتووە "ئەو قۆڵى لێ هەڵماڵیوە سلێمانى بکاتە شارە حەیاتەکە و چیتر مافیاکان نەتوانن بە دڵى خۆیان تەراتێن بکەن".

 

پێشتر لاهور شێخ جەنگی لە رێگای میدیاكانییەوە جەختی لەوەكردەوە ئەو گۆڕانكارییانەی كراون بەزەبری هێز بووە و قابیلی قبوڵ نین. 

كێشەی هاوسەرۆكان نزیك دەبێتەوە لە هەفتەیەك، بەڵام تائێستا جگە لەپەیام گۆڕینەوەی میدیایی نەبراوەتە هیچ ئۆرگانێكی حیزب كە سەركردایەتی و مەكتەب سیاسی و ئەنجومەنی باڵای بەرژەوەندییەكانە، ئەو بێدەنگییەشی لەپاش كۆبوونەوەكان هەیە، بەلای هەندێكەوە ئەوەی لێ دەخوێنرێتەوە چارەسەری دەمودەست لە ئاسۆدا نییە و كاتی پێ دەچێت لە كاتێكدا ئەنجامدانی هەڵبژاردنی پێشوەختەی عێراق دوای سێ مانگیترە، ئەم ئەگەرەش ناوەندەكانی ئەم حیزبە و بزوتنەوەی گۆڕانی هاوپەیمانی یەكێتیشی نیگەران كردووە.