گه‌ڕان

Shadow Shadow
سیاسه‌تی

زانياريى

ڕۆیتەرز: ئێران داواى لە میلیشیاکانى عێراق کردووە هێرشەکان بۆ سەر ئەمریکییەکان زیاد بکەن

2021.07.13 - 23:44
App store icon Play store icon Play store icon
ڕۆیتەرز: ئێران داواى لە میلیشیاکانى عێراق کردووە هێرشەکان بۆ سەر ئەمریکییەکان زیاد بکەن

ناس کورد-

ئاژانسى ڕۆیتەرز بڵاویکردووەتەوە، فەرماندەیەکى باڵاى ئێرانى هانى فەرماندەى میلیشیاکانى عێراقى داوە کە هێرشەکانیان بۆ سەر هێزەکانى ئەمریکا لە عێراق و سوریاش زیاتر و فراوانتر بکەن.

کەناڵی ناس کورد لە تێلیگرام جۆین بکە   

 

ئاژانسی هەواڵیی ڕۆیتەرز لە زاری چەند سەرچاوەیەکییەوە (13ى تەموزى 2021) بڵاویکردووەتەوە، ئێرانییەکان هانى میلیشیاکانیان داوە کە تۆڵەى بۆردومانەکانى سەر سنورەکانى عێراق-سوریا بکەنەوە کە لەلایەن فڕۆکەکانى ئەمریکاوە کرایە سەر ئەو میلیشیایانە.

 

فەرماندەکە داواى لەو میلیشیایانە کردووە هێرشەکانى سەر سەربازانى ئەمریکا زیاد و فراوان بکەن و لە سوریاش هێرشیان بکەنە سەر.

 

پێشتر جۆن کێربى وتەبێژى وەزارەتى بەرگرى ئەمریکا ئاماژەى بەوەدابوو، وڵاتەکەى نیگەرانە لە هێرشى میلیشیاکان لە عێراق و سوریا و ئەمریکاش مافى خۆیەتى بەرگرى لە خۆى بکات.

 

ئاژانسەکە ئەوەشى ئاشکرا کردووە، فەرماندە باڵاکەى ئێران لە هەواڵگرى سوپاى پاسداران چاوى بە ژمارەیەک لە سەرکردەى میلیشیاکانى عێراق کەوتووە و نامەى فەرماندەى باڵاى پێگەیاندوون، کە دەربارەى بەردەوامى پەستان دروست کردن بووە لەسەر هێزەکانى ئەمریکا تا ناوچەکە جێبهێڵن.

 

لە ماوەی ڕابردوودا هێرشی ئەو میلیشیایانە بۆسەر بەرژەوەندی و هێزەکانی ئەمریکا لە عێراق و هەرێمی کوردستان زیادی کردووە.