گه‌ڕان

Shadow Shadow
سیاسه‌تی

نرخی بەنزین

پەرلەمان سێ ڕێگە داخاتە بەردەم حکومەت بۆ هەرزانکردنی نرخی بەنزین

2021.07.13 - 22:14
App store icon Play store icon Play store icon
پەرلەمان سێ ڕێگە داخاتە بەردەم حکومەت بۆ هەرزانکردنی نرخی بەنزین

ناس کورد-
ئەندامێکى لیژنەى وزە و سامانە سروشتییەکان لە پەرلەمانى کوردستان ڕایگەیاند، دواى جەژن لەگەڵ حکومەت کۆدەبینەوە و چەند ڕاسپاردە و پێشنیازێک دەخەنە بەردەم حکومەت بۆ دابەزانى نرخى بەنزین.

کەناڵی ناس کورد لە تێلیگرام جۆین بکە   

 

سەرکۆ ئازاد، ئەندامی لیژنەکە (13ى تەموزى 2021) بە "ناس کورد"ى ڕاگەیاند، "دواى جەژنى قوربان لەگەڵ حکومەت کۆدەبینەوە بۆ گرتنەبەرى چەند ڕێوشوێنێک بۆ دابەزاندنى نرخى بەنزین، لەوانەش کەمکردنەوەى باج و ڕسومات لەسەر هاوردەکردنى بەنزین هەروەها نەهێشتنى قۆرکارى هێنانى ئەو شمەکە بۆ چەند کۆمپانیایەکى دیاریکراو لەگەڵ باشکردنى کواڵێتی بەنزین."

 

پەرلەمانتارەکە ئەوەشى وت، "لە ئێستادا هاوردەکردنى بەنزین قۆرغکراوە لە لایەن چەند کۆمپانیایەکەوە، پارێزگارى شارەکان مۆڵەتیان بە هاوردەکردنەکە داوە، پێویستە لێرە بەدواوە ڕێگە بە هەموو کۆمپانیایەک بدرێت بەو کارە هەستن."


ماوەى دوو مانگە چەند جاڕێک نرخى بەنزین بەرزبوەتەوە، حکومەتیش هۆکارى بەرزبوونەوەکەى بۆ بەرزبوونەوەى نرخى نەوت لە جیهان و بەرزبونەوەى نرخى دۆلار بە بڕیارى بانکى مەرکەزى عێراق دەگێڕێتەوە.

 

زیاتر بخوێنەوە: لەبارەی گرانبوونی بەنزین ژووری بازرگانیی سلێمانی ڕوونکردنەوە دەدات

 

هەروەها نوێنەرى بەنزینخانەکانیش گرانبوونى بەنزین بۆ زۆرى باج و ڕسوماتى دەروازە سنوریەکان دەزانێت.