گه‌ڕان

Shadow Shadow
سیاسه‌تی

زانیارى زیاتر

ئەمەریکا؛ تاوتوێى وەڵامدانەوەى توندى هێرشى میلیشیاکانى عێراق دەکرێت

2021.07.13 - 13:36
App store icon Play store icon Play store icon
ئەمەریکا؛ تاوتوێى وەڵامدانەوەى توندى هێرشى میلیشیاکانى عێراق دەکرێت

ناس کورد-

لیژنەی پەیوەندییەکانی دەرەوەی کۆنگرێسی ئەمەریکا تاوتوێى لێکەوتەکانی هەڵوەشاندنەوەی بریاری جەنگی کرد بۆ سەر عێراق کە لە ساڵی 2002دا ئەمەریکا دەری کردووە، هاوکات ئەندامە کۆمارییەکانیش داوایان کردووە "بەدەستێکی ئاسنین" وەڵامی هەر دەستدرێژکارییەک بدرێتەوە بۆ سەر سوپای ئەمەریکا لەهەر شوێنێکی جیهان.  

 

کەناڵی ناس کورد لە تێلیگرام جۆین بکە   

 

ڕۆژنامەی"شەرق ئەلئەوسەت" (13ی تەموزی 2021) بڵاوی کردەوە "ئیدارەکەی جۆ بایدن، دوچاری فشاری زۆر بووەتەوە بۆ ئەوەی بەتوندی وەڵامی هێرشەکانی میلیشا ئێرانییەکان بداتەوە لە عێراق و سوریا، کە بەردەوام کردەی سەربازی دژ بە سوپای ئەمەریکا ئەنجام دەن".

 

ئاماژە بەوەش کراوە "لە کۆبوونەوەی ئەمڕۆی لیژنەی پەیوەندییەکانی دەرەوی کۆنگرێسدا کە تەرخان کرابوو بۆ تاوتوێکردنی لێکەوتەکانی هەڵوەشاندنەوەی بڕیارێکی پێشووی ئەمەریکا کە لە ساڵی 2002دا دەرکراوە بۆ هێرش کردنە سەر عێراق،کۆمارییەکان پێیانوایە ئەگەر ئەو بڕیارە هەڵوەشێنرێتەوە ئەگەری هەیە میلیشاکان زیاتر پەرە بەکردەکانیان بدەن دژ بە پەرژەوەندییەکانی وڵاتەکەیان لەعێراق".

 

بەگوێرەی ڕۆژنانەمەکە "ژمارەیەک لە ئەندامانی لیژنەکە داوایان کردووە ڕاپۆرتی ورد لەسەر دۆخی هێزەکانیی ئەمەریکا و شێوازی هێرشەکان بۆ ئامادە بکرێت بۆ ئەوەی زیاتر بەرچاو ڕونتربن پێش دەرکردنی هەر بڕیارێک".

 

ئەوەش خراوەتە ڕوو "کۆنگرێسمانە کۆمارییەکان و لەسەرووی هەموویانەوە (مایک ڕۆدجرز) داویان کردووە هەڵوەشاندنەوەی ئەو بڕیارە نەبێت بە ڕێگر لە بەردەم وەڵامدانەوەی توندی سوپای ئەمەریکا بەرامبەر هێرشی میلیشیاکان، بەڵکو دەبێت هێزە چەکدارەکان بەتوندی و بەخێرایی لەهەر شوێنێکی جیهان بێت وەڵامی دەستدرێژییەکان بدەنەوە".