گه‌ڕان

Shadow Shadow
سیاسه‌تی

وردەکاریى

ئامارى گیان لەدەستدان و برینداربوونى ئاگرەکەى نەخۆشخانەکەى زیقار راگەیەندرا 

2021.07.13 - 12:12
App store icon Play store icon Play store icon
ئامارى گیان لەدەستدان و برینداربوونى ئاگرەکەى نەخۆشخانەکەى زیقار راگەیەندرا 

ناس کورد-

تەندروستیی پارێزگای زیقار دوایین ئاماری قوربانیانی نەخۆشخانە سوتاوەکەی شەوی رابردووى بڵاوکردەوە و ڕایگەیاند، 114 کەس بەهۆی ئاگرکەوتنەکەوە بونەتە قوربانی.

 

کەناڵی ناس کورد لە تێلیگرام جۆین بکە   

 

عەمار زاملی، وتەبێژی تەندروستیی پارێزگای زیقار (13ی تەموزی 2021) لە لێدوانێکدا بۆ "ناس کورد" ڕایگەیاند "تیمەکانی بەرگریی شارستانی لەشەوی رابردووەوە بەردەوامن لەگەڕان و پشکنین بۆ تەرمی قوربانیانی ڕووداوی ئاگرکەوتنەوەکەی نەخۆشخانەی ئیمام حسێن، چونکە بەشێک لە تەرمەکان تائێستا لەژێر دار و پەردووی نەخۆشخانەکەدان".

 

زاملی ئاماژەی بەوە کرد "بەگوێرەی دوایین ئامار، تائێستا 114کەس لە رووداوەکەدا بوون بە قوربانی، 64 کەس گیانیان لەدەستداوە و 50 کەسی دیکەش بریندار بوون و برینی بەشێکیان سەختە".

 

وتەبێژەکەی تەندروستیی زیقار رونیکردەوە، تائێستا ژمارەیەک کەس لەرووداوەکەدا بێ سەر و شوێنن و 22 تەرمیش بەتەواوەتی سوتاون و نەتوانراوە بناسرێنەوە".

 

شەوی ڕابردوو ئاگر له‌ نه‌خۆشخانه‌یه‌كی تایبه‌ت به‌ توشبوانی كۆرۆنا له‌پارێزگای زیقار لەباشوری عێراق كه‌وته‌وه‌ و بەهۆیەوە دەیان کەس گیانیان لەدەستدا و بریندار بوون و نه‌خۆشخانه‌کەش زیاتر له‌ 50 توشبووی كۆرۆنای تێدا بووە و تاوه‌كو ئێستا هۆكاری كه‌وتنه‌وه‌ی ئاگره‌كه‌ نه‌زانراوه‌".

 

دوای رووداوەکەش مستەفا کازمی، سەرۆک وەزیرانی عێراق، بەپەلە گەیشتە پارێزگاکە و فەرمانی کرد بە دورخستنەوە و ڕاگرتنی هەر یەکە لە بەڕێوەبەری تەندروستی و بەڕێوەبەری بەرگریی شارستانی و بەڕێوەبەری نەخۆشخانەی فێرکاری پارێزگاکە.